15 sentyabr 2012 00:02
“Futbolçularıma heç bir iradım yoxdu”
“Bakı”nın baş məşqçisi Bojidar Bandoviç Premyer Liqanın 5-ci turunun “Turan” ilə oyununu şərh edib. Azerisport.az xəbər verir ki, paytaxt təmsilçisinin serbiyalı çalışdırıcısı 1:1 hesabıyla başa çatan görüşdən sonra bunları dilə gətirib:
“İkinci qələbəmizi qazana bilərdik. Komandam yaxşı mübarizə apardı. Rəqibimiz müdafiədə oynamağa üstünlük verirdi və qol buraxmamağa çalışırdı. İkinci hissədə çox tez qol buraxdıq. Qol vurmaq üçün bir neçə şansımız olsa da, istifadə edə bilmədik. Futbolçularıma heç bir iradım yoxdu. Bu futboldu - bəzən elə olur ki, yaxşı oynayan komanda da qalib gələ bilmir. Tam müdafiədə oynayan komandaya qarşı mübarizə aparmaq çətindi. Qarşıdakı turlara daha yaxşı hazırlaşmağa çalışacağıq”.
