16 sentyabr 2012 13:24
“Neftçi Rubinlə Partizanı Bakıda məğlub edə bilər”
“Qəbələ”nin yarımmüdafiəçisi Rəşad Abdullayev azerisport.az saytına müsahibəsində Premyer Liqanın 5-ci turunun “Kəpəz”lə oyunundakı məğlubiyyətdən (0:1), eləcə də “Neftçi”nin Avropa Liqasındakı şanslarından danışıb.
- “Kəpəz”lə oyunda hadisələrin bu cür cərəyan edəcəyini gözləyirdiniz?
- Nəticə çox gözlənilməz alındı. Biz ən azı bir xal qazanmalıydıq. Komanda qələbə üçün çıxsa da, heç nəyə nail ola bilmədik.
- Nəticə çox gözlənilməz alındı. Biz ən azı bir xal qazanmalıydıq. Komanda qələbə üçün çıxsa da, heç nəyə nail ola bilmədik.
- Buna nə mane oldu ki?
- Niyə belə olduğunu mən də bilmirəm. Özüm bu oyunda iştirak edə bilmirdim. Çünki oyun öncəsi zədə almışdım. Kobud səhv nəticəsində qol buraxdıq. Çox acı məğlubiyyətdi.
- “Neftçi”nin keçmiş futbolçusu kimi bu komandanın Avropa Liqasındakı uğurunu necə qarşıladınız?
- Onların bu uğuru məni çox sevindirdi. Hər halda “Neftçi”də az oynamamışam. Mənim üçün doğma komandadı. “Neftçi”nin çempionluğunda da az güc sərf etməmişəm. Uşaqları təbrik etdim. Neçə il birgə çıxış etdiyimiz futbolçulardı. Düzünü deyim ki, onların bu uğurunu görəndən sonra “Qəbələ”nin də belə nailiyyətlər qazanmasını arzulayıram. “Neftçi” göstərdi ki, bizim klublar buna qadirdilər.
- “Neftçi”dən qrup mərhələsində nə gözləyirsiz?
- Əgər “Neftçi” APOEL-ə qarşı sərgilədiyi oyunu digər rəqibləri ilə görüşlərdə də nümayiş etdirə bilsə, uğur qazanması mümkündü. Məsələn, “Rubin”lə “Partizan”ı Bakıda məğlub etmək olar.
- Əgər “Neftçi” APOEL-ə qarşı sərgilədiyi oyunu digər rəqibləri ilə görüşlərdə də nümayiş etdirə bilsə, uğur qazanması mümkündü. Məsələn, “Rubin”lə “Partizan”ı Bakıda məğlub etmək olar.
- Sizcə, digər klublarımız “Neftçi”nin uğurunu təkrarlaya biləcək?
- Avrokuboklar ərəfəsində heyəti dəyişdirməmək çox vacib amildi. Digər klublarımız da qarşılarına qrup mərhələsinə vəsiqə qazanmaq hədəfini qoymalıdılar. “Qəbələ” hələ avrokuboklarda oynamayıb. Ona görə də avrokuboklara vəsiqə qazansaq, böyük uğur olardı. Hələ bir neçə mərhələ keçməyi demirəm.
- Avrokuboklar ərəfəsində heyəti dəyişdirməmək çox vacib amildi. Digər klublarımız da qarşılarına qrup mərhələsinə vəsiqə qazanmaq hədəfini qoymalıdılar. “Qəbələ” hələ avrokuboklarda oynamayıb. Ona görə də avrokuboklara vəsiqə qazansaq, böyük uğur olardı. Hələ bir neçə mərhələ keçməyi demirəm.
- Hədəfiniz avrokuboklara vəsiqə qazanmaqdı?
- Bunu Premyer Liqa başlayandan qarşımıza hədəf qoymuşuq.
- “Qəbələ” azarkeşləri hələ əvvəlki Rəşad Abdullayevi görə bilməyiblər...
- Düzünü desəm, həmin Rəşad hələ yoxdu. Son iki mövsüm mənim üçün daha yaxşı alınmışdı. Qollar, qol epizodları daha çox olurdu. Məni də başa düşmək olar. Çünki bu, mənim “Qəbələ”dəki ilk mövsümümdü. Düşünürəm ki, zamanla mənim də oyunum yaxşılaşacaq və qollar vuracağam.
- “Neftçi”də həm də ona görə sizə asan idi ki, komanda güclüydü...
- “Qəbələ” də zəif deyil. “Neftçi”nin əsas üstünlüyü odu ki, komanda üzvləri uzun müddətdi bir yerdə çıxış edir. Burda isə hər şey yeni qurulur. Zamanla hər şey daha yaxşı olacaq.
