Xəzər Lənkəran Simurqa qarşı: tarixə səyahət

Bu həftə Azərbaycan Premyer Liqasında IV turdan təxirəsalınan 2 oyundan biri baş tutacaq. Azerisport.az xəbər verir ki, ötən tur “Böyük Oyun”da “Neftçi”yə məğlub olan “Xəzər Lənkəran” mövsümə uğurla başlayan “Simurq”u qəbul edəcək.

 

Peşəkar Futbol Liqasının rəsmi saytı qarşıdakı oyunda üz-üzə gələn cütün ölkəçempionatları tarixindəki əvvəlki qarşılaşmalarının balansını təqdim edir.

“Xəzər Lənkəran” (Lənkəran) – “Simurq” (Zaqatala)
+8=4-0, top fərqi – 21:9

Son 5 ev oyununda rəqibinə xal verməyən “Xəzər Lənkəran” ümumi balansda da rəqibindən üstündür. “Simurq” tarixi ərzində rəqibini məğlub etməyib. Son 5 səfər oyununda rəqibinə uduzan “Simurq” ardıcıl 3 matçdır Lənkəranda qol da vura bilmir.