19 sentyabr 2012 16:27
Vladimir Vermezoviç: Neftçi ilə oyunda heç bir fiasko olmayacaq
Serbiyanın “Partizan” klubunun baş məşqçisi Vladimir Vermezoviç Avropa Liqasının qrup mərhələsi çərçivəsində Azərbaycan çempionu “Neftçi”yə qarşı keçirəcəkləri oyun ərəfəsində mətbuat konfransı keçirib. Azerisport.az xəbər verir ki, o, öncə bunları söyləyib:
“İlk oyunu doğma meydanda keçirməyimiz bizim üçün çox vacibdi. Bu, bizim qrup mərhələsinə uğurla başlamağımız üçün bir şansdı. Bu şansı əldən verməyəcəyik. Biz çətin qrupa düşmüşük. İndi nə “Partizan”a, nə də “Neftçi”yə güvənən var. Amma mən əminəm ki, bu komandalar özlərini sübut edəcəklər. Biz qrup liderliyi uğrunda mübarizə aparacağıq. Rəqibimiz təcrübəli və texnikalı futbolçulardan təşkil olunub. Amma bizim də yaxşı heyətimiz və deyəcək sözümüz var. Bütün komanda oyuna hazırdı. Oyundan 3 xal gözləyirik. Yeri gəlmişkən, stadion tam dolu olsa, bizə oynamaq daha asan olacaq. Hamını bu oyuna dəvət edirəm”.
“İlk oyunu doğma meydanda keçirməyimiz bizim üçün çox vacibdi. Bu, bizim qrup mərhələsinə uğurla başlamağımız üçün bir şansdı. Bu şansı əldən verməyəcəyik. Biz çətin qrupa düşmüşük. İndi nə “Partizan”a, nə də “Neftçi”yə güvənən var. Amma mən əminəm ki, bu komandalar özlərini sübut edəcəklər. Biz qrup liderliyi uğrunda mübarizə aparacağıq. Rəqibimiz təcrübəli və texnikalı futbolçulardan təşkil olunub. Amma bizim də yaxşı heyətimiz və deyəcək sözümüz var. Bütün komanda oyuna hazırdı. Oyundan 3 xal gözləyirik. Yeri gəlmişkən, stadion tam dolu olsa, bizə oynamaq daha asan olacaq. Hamını bu oyuna dəvət edirəm”.
Vermezoviç məğlubiyyəti ağlından belə keçirmədiyini bildirib: “Mən məğlub olmağa hazırlaşmıram. Heç bir fiasko olmayacaq. Biz bilirdik ki, rəqibin futbolçusu Elvin Yunuszadə diskvalifikasiyalı olduğu üçün bu oyunda iştriak etməyəcək. Amma Bruno Bertuççinin oynamayacağı haqda xəbər mənim üçün gözlənilməz oldu. Çünki o, rəqibin əsas futbolçularından biridi. Hər halda bu, “Partizan” üçün yaxşıdı. O, bizə çətin anlar yaşada bilərdi”.
Vermezoviç bildirib ki, o, “Neftçi”yə zəif rəqib gözüylə baxmır: “Biz ümumiyyətlə rəqibləri zəif və ya güclüyə bölmürük. Bütün oyunlara ciddi hazırlaşırıq. “Neftçi”nin APOEL-ə qarşı necə oynaması vacib deyil”.
Belqradlıların çalışdırıcısı “Neftçi”nin təhlükəli oyunçularından da danışıb: “Bakılıların güclü müdafiə və yarımmüdafiə xətti var. Xüsusilə Flavinyo, Rəşad Sadiqov və Julius Vobayı qeyd edə bilərəm. Yeri gəlmişkən, ümid edirəm ki, Saşa Stamenkoviçin bizimlə oyunda problemləri çox olacaq. Amma onu da etiraf etməliyəm ki, Stamenkoviçin “Neftçi”nin heyətində çıxış etməsinin bizim üçün o qədər də ciddi fərqi yoxdu”.
Vermezoviç “Neftçi”nin Serbiyadakı ilk məşqini “Crvena Zvezda”nın bazasında həyata keçirməsinə də münasibət bildirib: “Bilirik ki, “Neftçi” “Crvena Zvezda”nın bazasında məşq edib. Azərbaycanlılar Belqrada oyundan iki gün öncə gəlmişdilər. Bu isə o demək idi ki, məşq etmək üçün yer axtaracaqlar. Bizim əzəli rəqibimiz onlara belə bir şərait yaratdı. Belə də olmalıdı. Ümid edirəm ki, biz “Neftçi”ni də “Crvena Zvezda” kimi məğlub edəcəyik”.
Qeyd edək ki, “Partizan” – “Neftçi” oyunu sabah keçiriləcək və Bakı vaxtı ilə saat 00:05-də başlayacaq.
