19 sentyabr 2012 17:15
“Qarabağa heç nə olmayıb”
“Qarabağ” gündə 2 dəfə olmaqla Premyer Liqanın 6-cı turunda qarşılaşacağı “Turan”la oyunun hazırlıqlarını davam etdirir. Azerisport.az xəbər verir ki, hazırlıqlarını tam heyətlə sürdürən komandada “Qarabağ”ın meydanın mərkəzindəki əvəzedilməz ismi Namiq Yusifov AZAL-a sonuncu turdakı məğlubiyyəti, həm də “Turan”la qarşıdan gələn oyunu dəyərləndirib:
“Başa düşə bilmirəm, niyə hamı hələ də AZAL-a məğlubiyyətdən danışır. Düzdü, “Qarabağ” kimi komandanın belə məğlubiyyəti yolverilməzdi. Amma heç kim bundan sığortalanmayıb. “Real” da “Barcelona”ya eyni hesabla uduzmuşdu. Amma bu gün İspaniya çempionu sayılırlar. Bizim sadəcə itirdiyimiz 3 xaldı. Yəni, nəzəri cəhətdən heç nə itirilməyib. Çempionat hələ yeni başlayıb. Daim qabağa baxmalıyıq. İndi hədəfimiz “Turan”la oyundu. “Turan” bu il olduqca əzmkar təsir bağışlayır. AZAL-la oyunumuzdan sonra yəqin daha da həvəsləniblər. Amma biz vəziyyətdən nəticə çıxarmağa çalışacağıq. Qurban müəllim bunun üzərində işləyir. Əmin ola bilərsiz ki, “Qarabağ”a heç nə olmayıb. Görəcəksiz”.
