19 sentyabr 2012 17:32
“Komandanın oyununu kənardan izləmək çox ağırdı”
“İnter”in hücumçusu Baçana Tsxadadze müsahibəsində AZAL ilə oyuna hazırlıq prosesindən danışıb, qarşıdakı matç barədə fikirlərini bölüşüb və digər suallara cavab verib. Azerisport.az həmin müsahibə ilə sizi də tanış edir.
- AZAL ilə matça hazırlıq necə gedir?
- Hazırlıq adi rejimdə gedir. Qarşıdakı oyuna ciddi hazırlaşırıq. Düşünürəm ki, bu qarşılaşma bizim üçün turnir cədvəlində yuxarıda möhkəmlənmək üçün şans olacaq. Biz maksimal nəticəyə ümid edirik.
- Diskvalifikasiya səbəbindən iki oyun buraxmalı oldunuz. Yəqin meydan üçün darıxmısınız və sıraya qoşulmağınızı səbirsizliklə gözləyirsiniz…
- Bəli, doğrusu, oyun üçün çox darıxıram. Etiraf edim ki, komandanın oyununu tribunadan izləmək çox ağırdır. Meydanda olduğundan da çox əsəbilik keçirməli olursan. Komanda yoldaşlarına kömək etmək istəyirsən, lakin bunu etmək, təəssüf ki, alınmır. Meydana qayıtmağım komandanın işinə yarayarsa, o zaman çox şadam olardım.
- “İnter”in rəqibi AZAL son bazar matçında böyük hesabla “Qarabağ” komandasını məğlub etdi. Bu klub bu mövsümdə çox yaxşı təsir bağışlayır. Bəs Siz AZAL komandası barədə nə deyə bilərsiniz?
- AZAL həmişə hücum futbolu oynayan yaxşı komandadır. Bu komandanı, əlbəttə ki, qiymətləndirməmək olmaz. Bununla belə, hesab edirəm ki, diqqəti rəqibin oyununa yönəltməməliyik, bizə öz futbolumuzu oynamaq lazımdır. Əlbəttə ki, yadda saxlamaq lazımdır ki, AZAL əks-hücumlarda əla oynayır. Matçın başlamasına hələ bir neçə gün var və məşqçi bu oyuna mütləq konkret tapşırıqlar verəcək.
- Komandanın bütün azarkeşlərini Giorgi Adamiyanın zədə alması xəbəri məyus etdi. Bundan başqa, “İnter”in bəzi futbolçuları da zədəlidir. Sizin fikrinizcə, bu kadr problemləri AZAL ilə matçda mane olmayacaq?
- Adamiyanın uzun müddətə itirilməsi “İnter” üçün böyük problemdir. O, indi-indi formaya düşürdü, “Turan”la qarşılaşmada qol vurdu. Düşünürdüm ki, daha yaxşı olacaq, lakin təəssüflər olsun ki, biz onu zədəyə görə uzun müddətə itirdik. Kadr problemlərinə baxmayaraq komandada olmayan futbolçuları əvəz etməyə qadir yüksək ixtisaslı futbolçular var.
- Bu il “İnter”in hücum xətləri hissediləcək dərəcədə güclənib. Sizin nəzərinizcə, hücum xəttində əsas yer uğrunda rəqabət komandaya təsir göstərəcək?
- Bu rəqabət “İnter”in xeyrinə olacaq. Yaxşı ki, məşqçi seçməyi, məhz kimi heyətə salmağı bilir. Hər mövqedə bizim minumum 2 yaxşı futbolçumuz var. Rəqabət tərəqqiyə səbəb olur və bu proses komandaya müsbət təsir göstərir. (klub saytı)
