19 sentyabr 2012 11:05
Erik Ramos: Serbiyada birinci biz qol vurmalıyıq
“Neftçi”nin paraqvaylı yarımmüdafiəçisi Erik Ramos Avropa Liqasının qrup mərhələsi çərçivəsində Serbiya “Partizan”ına qarşı keçirəcəkləri səfər matçı öncəsi azerisport.az saytının suallarını cavablandırıb.
- Klub rəhbərliyi Avroliqanın qrup mərhələsi üçün komandanın qarşısında hansısa hədəf qoyub?
- Bizə hələ bu barədə nəsə deyilməyib. Amma bunu başa düşmək çətin deyil ki, hədəflər yüksəkdi. Yəqin ki, ilk oyun öncəsi bu haqda da danışılacaq. Öz oyunumuzu sərgiləməyi bacarsaq, qrup mərhələsində də nəsə edə bilərik.
- Bizə hələ bu barədə nəsə deyilməyib. Amma bunu başa düşmək çətin deyil ki, hədəflər yüksəkdi. Yəqin ki, ilk oyun öncəsi bu haqda da danışılacaq. Öz oyunumuzu sərgiləməyi bacarsaq, qrup mərhələsində də nəsə edə bilərik.
- Yəqin başa düşürsüz ki, “Neftçi” Avropa Liqasında bir növ Azərbaycan yığması kimi çıxış edəcək. Çünki bütün ölkə futbolsevərləri milli komanda kimi, “Neftçi”nin də belə mötəbər turnirdə uğurlu çıxış etməsi üçün hər cür dəstəyi nümayiş etdirəcək...
- Bunu səfər öncəsi bizimlə görüşündə AFFA prezidenti Rövnəq Abdullayev də demişdi. Mən bunu başa düşürəm. Əlimdən gələni edəcəyəm ki, onların bu dəstəyini qarşılıqsız qoymayaq.
- Səfərə hansı ümidlərlə gedirsiz?
- Çətin olacaq. Serbiya “Partizan”ı ilə ilk dəfədi qarşılaşırıq. Amma uğurlu çıxış etmək istəyirik. Potensialımız da buna ümid etməyə əsas verir.
- Rəqibi öyrənə bilmisiz?
- Rəqib haqda heç nə bilmirəm. Oyun ərəfəsində lazım olan informasiya bizə veriləcək. İlk növbədə öz oyunumuzu sərgiləməliyik.
- Rəqib haqda heç nə bilmirəm. Oyun ərəfəsində lazım olan informasiya bizə veriləcək. İlk növbədə öz oyunumuzu sərgiləməliyik.
- “Xəzər Lənkəran”la oyundan sonra yorğunluq hiss etmirsiz ki?
- Xeyr. Artıq bərpa prosesini arxada qoymuşuq.
- Rəqibin şanslarının daha yüksək olduğu oyunda mümkün məğlubiyyətə hazırsız?
- Biz məğlub olmağa hazırlaşmırıq. APOEL-lə oyun hələ yaddan çıxmayıb. Onda da hamı düşünürdü ki, biz güclü rəqiblə oyunda heç nə edə bilməyəcəyik. Çünki onların şansları daha yüksək idi. Amma nəticə başqa cür oldu.
- “Partizan”ın azarkeşləri kiprlilərdən daha çılğındılar...
- Mən azarkeşlər çox olanda daha yaxşı motivasiya oluram. Birinci biz qol vursaq, hər şey xeyrimizə dəyişəcək. Ona görə də birinci qol vurmaq lazımdı.
