20 sentyabr 2012 14:34
Ağasəlim Mircavadov: Neftçi Partizanın təzyiq altında oynamasından yararlana bilər
Futbol üzrə Azərbaycan yığmasının sabiq baş məşqçisi Ağasəlim Mircavadov ölkə çempionu “Neftçi”nin Avropa Liqasının qrup mərhələsi çərçivəsində Setbiya “Partizan”ı ilə baş tutacaq oyunundan danışıb. Azerisport.az saytına müsahibəsində o, bunları dilə gətirib:
“Hər iki komanda üçün çətin oyun olacaq. Amma bizi təbii ki, yalnız “Neftçi” maraqlandırır. Böyükağa Hacıyevin yetirmələri yüksəlişdədilər. Ona görə də biz bu oyundan müsbət nəticə gözləyə bilərik. “Xəzər Lənkəran”la oyunda komandanın müdafiə xətti bir sıra səhvlər buraxdı. Onların üzərində işləmək lazımdı. “Partizan”ın məşqçisi “Neftçi”nin futbolçularını izləyib, artıq onların oyun üslublarına bələddilər. Hər şeyə rəğmən mən “Neftçi”yə inanıram və qələbə gözləyirəm. Komandamız rəqibin təzyiq altında oynamasından yararlana bilər”.
