20 sentyabr 2012 16:17
Argentina Braziliyaya məğlub oldu
Cənubi Amerikada növbəti “Superclassico Das Americas” turniri keçirilir. Azerisport.az xəbər verir ki, yeni yaradılan bu turnir qitənin iki ən güclü yığma komandası – Braziliya və Argentinanın perspektivli gənclərindən ibarət kollektivləri arasında oynanılır.
Ötən gün ilk oyun çərçivəsində Argentina millisi Braziliyanın qonağı olub. Oyun Braziliyanın 2:1 hesablı qələbəsi ilə yekunlaşıb.
Hesabı 20-ci dəqiqədə Argentinadan Martines açıb. 6 dəqiqə sonra Paulinyo tarazlığı bərpa edib. Neymarın 90+4-cü dəqiqədə vurduğu penalti qolu braziliyalılara qələbə qazandırıb.
Qeyd edək ki, cavab oyunu oktaybrın 3-də Argentinada keçiriləcək. Onu da xatırladaq ki, ötən mövsüm baş tutan ilk belə qarşıdurmanı Braziliya qazanmışdı. Bu komanda səfərdə qolsuz heç-heçəyə razılaşıb, evdə 2 cavabsız qolla qalib gəlmişdi.
