20 sentyabr 2012 20:19
Simurqun prezidenti: Biz hələ öz kartlarımızı açmamışıq
“Simurq”un prezidenti Anar Bəkirov Topaz Premyer Liqasının 4-cü turundan təxirə salınan “Xəzər Lənkəran”la oyundan sonra fikirlərini açıqlayıb. Azerisport.az saytına müsahibəsində o, bunları dilə gətirib:
“Layiqli qələbə qazandıq. Bu qələbə bizim əhval-ruhiyyəmizi bir qədər də yaxşılaşdırdı. Bu gün “Xəzər Lənkəran” yaxşı oyun göstərdi, hücumlar etdi, ərazi üstünlüyünə malik idi. Amma biz əks-hücumlara üstünlük verib iki qol vurduq, istəyimizə nail olduq. Yenə də fərqlənmək imkanlarımız oldu. Bu oyun da göstərdi ki, bizim çox yaxşı komandamız var. Birinci pilləyə qalxmaq çox xoşdu. Lakin biz hələ öz kartlarımızı açmaq istəmirik. Bunu ilk altılığa düşəndən sonra həyata keçirəcəyik. İndi isə bütün fikirlərimiz qarşıdakı “Kəpəz”lə oyuna yönəlib”.
“Layiqli qələbə qazandıq. Bu qələbə bizim əhval-ruhiyyəmizi bir qədər də yaxşılaşdırdı. Bu gün “Xəzər Lənkəran” yaxşı oyun göstərdi, hücumlar etdi, ərazi üstünlüyünə malik idi. Amma biz əks-hücumlara üstünlük verib iki qol vurduq, istəyimizə nail olduq. Yenə də fərqlənmək imkanlarımız oldu. Bu oyun da göstərdi ki, bizim çox yaxşı komandamız var. Birinci pilləyə qalxmaq çox xoşdu. Lakin biz hələ öz kartlarımızı açmaq istəmirik. Bunu ilk altılığa düşəndən sonra həyata keçirəcəyik. İndi isə bütün fikirlərimiz qarşıdakı “Kəpəz”lə oyuna yönəlib”.
Bəkirov rəqib komandanın baş məşqçisi Yunis Hüseynovun istefa vermək istəyinə də toxunub: “Mən də bu barədə eşitdim. Amma məncə rəhbərlik bu istefanı qəbul etməyib. Ona qarşıdakı oyunlarda uğurlar arzulayıram”.
