21 sentyabr 2012 15:33
Ağasəlim Mircavadov: Neftçinin oyunu xoşuma gəldi
Futbol üzrə Azərbaycan yığmasının sabiq baş məşqçisi Ağasəlim Mircavadov ölkə çempionu “Neftçi”nin Avropa Liqasının qrup mərhələsi çərçivəsində Setbiya “Partizan”ı ilə oyunundan (0:0) danışıb. Azerisport.az saytına müsahibəsində o, bunları dilə gətirib:
“Neftçi” yaxşı oynadı. Məni daha çox o narahat edirdi ki, Bettuççi müdafiəyə az diqqət yetirib, hücumlara qoşulurdu. Hücumlarımızın da çoxu məhz onun cinahından təşkil olunurdu. Mahir Şükürovun oyunu xoşuma gəldi. Həm müdafiədə, həm də hücumda yaxşı oynadı. Fikrimcə, hesab oyuna görə oldu. Elə hər iki komanda heç-heçəyə layiq idi. Səfərdə oynamaq heç də asan deyil. Amma mən “Partizan”ın zəif oyununu qeyd edərdim. Bu, qətiyyən bizim danışdığımız “Partizan” deyil. Belə rəqib “Neftçi” üçün qorxulu sayıla bilməz”.
