22 sentyabr 2012 00:34
AZAL-la İnter 19-cu paytaxt derbisinə çıxır
Azərbaycan Premyer Liqasının 6-cı turunun qarşıdan gələn AZAL - "İnter" görüşü hər iki komanda üçün sayca 19-cu olacaq. Azerisport.az xəbər verir ki, bunadək komandalar bir-biri ilə 18 dəfə qarşılaşıblar.
16 oyun çempionat çərçivəsində keçirilibsə, 2 matç da ölkə kubokunun payına düşür. “İnter” rəqibini 5 dəfə məğlub edə bilib, AZAL isə 4 qələbəyə malikdi. 18 oyunun 9-u heç-heçə ilə başa çatıb. Vurulan topların fərqi AZAL-ın xeyrinədi - 14:12.
Komandalar ilk dəfə 2005-ci ilin dekabr ayında çempionat çərçivəsində üz-üzə gəlib. "Şəfa" stadionuna baş tutmuş həmin görüş 0:0 hesabıyla başa çatıb. “İnter” - AZAL qarşıdurmasında ilk qolun müəllifi nigeriyalı hücumçu Laki İdahor olub.
Xatırlardaq ki, ötən mövsümdə komandalar iki dəfə qarşılaşıblar və hər iki oyun 1:1-lik heç-heçə ilə başa çatıb. AZAL - "İnter” oyunlarında ən populyar hesab 1:0-dı. Belə nəticə 18 görüşün 7-də qeydə alınıb. AZAL - "İnter" qarşılaşmalarının tarixində ən böyükhesablı nəticə 5:0 olub. 2010-cı ildə AZAL rəqibini məhz bu hesabla udmağa nail olub.
Qeyd edək ki, AZAL - "İnter" matçı sentyabrın 23-də keçiriləcək. Oyun saat 16:00-da başlayacaq.
