22 sentyabr 2012 21:55
Yığmamız DÇ-yə uğursuz başladı (YENİLƏNİB)
Bu gün Azərbaycanda ilk dəfə 17 yaşadək qızlar arasında futbol üzrə dünya çempionatı start götürüb. Azerisport.az xəbər verir ki, oktyabrın 13-dək davam edəcək çempionatda 16 ölkə yığması mübarizə aparır.
Azərbaycan təşkilatçı ölkə qismində təmsil olunur. Komandamız A qrupunda Kolumbiya, Nigeriya və Kanada ilə mübarizə aparır. Sissi Raytın yetirmələri mundialdakı ilk və tarixi matçını bu gün Kolumbiyaya qarşı keçirib. Futbolçularımız 30 min azarkeşin dəstəyi sayəsində bu görüşdən qalib ayrılmaq istəyindəydi. Amma təəssüf ki, rəqib daha üstün olub və 4 cavabsız qolla qələbə qazanıb.
A qrupunun digər oyununda isə Nigeriya ilə Kanada görüşüb. Bu qarşılaşma sülhlə bitib.
DÇ-2012
A qrupu
22 sentyabr
NİGERİYA – KANADA - 1:1 (0:0)
Qollar: Pyerre Luis, 61 (0:1), İhezuo, 81 (1:1)
Bakı. Tofiq Bəhramov adına Respublika stadionu.
Baş hakim: Katerina Monzul (Ukrayna).
AZƏRBAYCAN - KOLUMBİYA - 0:4 (0:3)
Qollar: Kastilyo, 17 (0:1), Kastilyo, 20 (0:2), Maldonado, 44 (0:3), Aqirre, 73 (0:4).
Hakimlər: Etsuko Fukano, Çie Ohata (hər ikisi Yaponiya), Mey Hsiu Liu (Çin Taypeyi), Finau Vulivuli (Fici).
Bakı. Tofiq Bəhramov adına Respublika stadionu.
