22 sentyabr 2012 16:49
Azərbaycanın ev sahibi olduğu mundial 11:0-la başladı, Lənkəran qol görmədi (YENİLƏNİB)
Bu gün Azərbaycanda ilk dəfə 17 yaşadək qızlar arasında futbol üzrə dünya çempionatı start götürüb. Azerisport.az xəbər verir ki, oktyabrın 13-dək davam edəcək çempionatda 16 ölkə yığması mübarizə aparır.
Azərbaycan yığmasının yer aldığı A qrupu ilə yanaşı, bu gün daha bir qrupda iki oyun keçirilib. Bu görüşlər B qrupu çərçivəsində baş tutub.
KXDR millisi Qambiyadan güclü olmağa çalışıb. Koreyalılar startda kifayət qədər asan qələbəyə seviniblər. Hər halda onların 11 cavabsız qol vurması da hər şeydən xəbər verir.
Qrupun digər oyununda Fransa ABŞ yığması ilə münasibətlərinə aydınlıq gətirib. Tərəflərin bütün cəhdlərinə baxmayaraq, digər oyundan fərqli, bu görüşdə hesab açılmayıb.
DÇ-2012
B qrupu
22 sentyabr
KXDR – QAMBİYA- 11:0 (6:0)
Qollar: Çoe Yun Qyonq, 18 (1:0), Ri Un Sim, 19 (2:0), Ri Kyonq Hyanq, 20 (3:0), Ri Un Sim, 31-pn (4:0), Ri Un Sim, 34 (5:0), Kim Phyonq Hva, 44 (6:0), Ri Kyonq Hyanq, 62 (7:0), Kim So Hyanq, 68 (8:0), Ri Kyonq Hyanq, 77 (9:0), Ri Hyanq Sim, 87 (10:0), Ri Hyanq Sim, 90 (11:0).
Bakı. 8 KM stadionu.
Baş hakim: Karina Vitulano (İtaliya).
FRANSA - ABŞ - 0:0
Lənkəran şəhər Mərkəzi stadionu.
Baş hakim: Klaiuidia Umpierres (Uruqvay)
