24 sentyabr 2012 00:01
Millimizin hücumçusu oynadı, komandası uduzdu (YENİLƏNİB)
Futbol üzrə Azərbaycan yığmasının hücumçusu Cihan Özkaranın şərəfini qoruduğu Türkiyənin “Erciyesspor” klubu növbəti matçına çıxıb. Azerisport.az xəbər verir ki, onun komandası PTT birinci liqanın 4-cü turu çərçivəsində “Gaziantep BB” klubu ilə qarşılaşıb.
Oyun səfərdə keçirilirdi. Ona görə də Kayseri klubu bu görüşdə ən azı 1 xal qazanmağı hədəfləmişdi. Amma kayserililərin bu istəyi baş tutmayıb. Görüş meydan sahiblərinin 3:2 hesablı qələbəsiylə başa çatıb.
Bu görüşdə Cihanın da forma geyməsi istisna deyildi. Baş məşqçi Osman Özköylü onu qarşılaşmanın 70-ci dəqiqəsində meydana buraxıb. Amma o, meydanda olduğu 20 dəqiqə ərzində heç nə ilə yadda qalmayıb.
Qeyd edək ki, Özkaranın komandası dörd oyuna 7 xalla dördüncü yerdə gedir.
PTT birinci liqası
4-cü tur
23 sentyabr
Gaziantep BB - Erciyesspor - 3:2
