24 sentyabr 2012 13:46
Zenit Rusiya yığmasının iki aparıcı oyunçusunu qovdu
Rusiyanın “Zenit” klubu iki ulduz futbolçusu heyətdən kənarlaşdırılıb. Azerisport.az xəbər verir ki, İqor Denisov və Aleksandr Kerjakovla bağlı radikal qərar qəbul olunub.
Buna səbəb isə Halk və Aksel Vitselin transferi olub. Belə ki, onlar iki futbolçunun transferinə 90 milyon avro ödənəndən sonra klub rəhbərliyindən yeni və daha böyük məbləğli müqavilə tələb ediblər. Buna hirslənən baş məşqçi Lusiano Spaletti son matçdakı xal itkisindən sonra hər ikisini heyətdən kənarlaşdırıb.
İtalyan mütəxəssis xəbəri təsdiqləyib: “Gerçək budu ki, komandamız mənəvi cəhətdən rahat deyil və bunun səbəbi bəzi oyunçularımızın özünü pis hiss etməsidi. Amma bir şeyi öyrənməlidilər ki, düşüncələri yalnışdı”.
Qeyd edək ki, həm Denisov, həm də Kerjakov DÇ-2014-ün seçmə mərhələsində yığmamızla eyni qrupda yer alan Rusiya millisinin üzvləridi.
