25 sentyabr 2012 12:57
Qəbələ Ramiz Məmmədov xəbərlərini təsdiqlədi
“Qəbələ” klubu Ramiz Məmmədovun baş məşqçi postuna gətirilməsi barədə xəbərləri təsdiqləyib. Azerisport.az xəbər verir ki, klubun rəsmi saytında yayılan məlumatda bunlar qeyd olunub:
“Fatih Kavlakın istefasından sonra “Qəbələ"də yeni baş məşqçi təyinatı rəsmiləşib. Komandanın sabiq baş məşqçisi Ramiz Məmmədov bu posta təyin olunub.
Bu il iyulun 10-da “Qəbələ”nin idman direktoru vəzifəsində fəaliyyətə başlayan 44 yaşlı mütəxəssis daha əvvəl 4 mövsüm komandaya rəhbərlik etmişdi.
2006/07 mövsümünün gedişində baş məşqçi postuna təyin olunan Məmmədov baş məşqçi kimi “Qəbələ”ni hamıdan çox - Azərbaycan çempionatının 100, kubokun 18 oyununa çıxarıb.
Xatırladaq ki, Ramiz Məmmədov 2009/10 mövsümü başa çatandan - komandadakı 4-cü mövsümündən sonra baş məşqçi postundan ayrılmışdı”.
