25 sentyabr 2012 13:25
Massimo Moratti: İnter böhrandadı
İtaliyanın “İnter” klubunun prezidenti Massimo Moratti rəhbərlik etdiyi komandanın hazırkı durumu barədə danışıb. Azerisport.az Milan təmsilçisinin rəhbəri açıqlamasında bunları dilə gətirib:
“Hazırda nə “İnter”, nə də “Milan” superkomanda sayıla bilər. Hətta biz nəticələrimizin daha yaxşı olmasını arzulasaq da, reallıq başqadı. Təəssüf ki, biz artıq özümüzə 20 000 000 avroya futbolçu ala bilmərik”.
Qeyd edək ki, bu komandanın son dövrlərdəki nəticələri də ürəkaçan deyil. Məsələn, A Seriyasının son turunda autsayderlər qrupunda qərarlaşan “Siena” ilə ev oyununda “İnter”in qələbə qazanacağına bəlkə heç qonaq futbolçular da şübhə etmirdilər. Amma sonda məhz qonaqlar 2:0 hesabıyla qalib gəldilər.
Milanlıları qarşıda da çətin təqvim gözləyir. 8 gün ərzində bu komanda səfərdə “Chievo”nun qonağı olacaq, evdə “Fiorentina” ilə münasibətlərinə aydınlıq gətirəcək. Sonda isə milanlıları Avropa Liqasının qrup mərhələsi çərçivəsində Bakı səfəri – “Neftçi” ilə oyun gözləyir.
İtaliya mətbuatının yazdığına görə, “neradzurra”nın çalışdırıcısı Andrea Stramaççoninin qarşısına hər üç oyunda qələbə qazanmaq vəzifəsi qoyulub. Əks halda o, postu ilə vidalaşmalı olacaq.
Lakin maraqlıdı ki, hər şeyə rəğmən, Moratti məhz baş məşqçiyə tam güvəndiyini bəyan edir: “Mən gənc baş məşqçimizə tam inanıram. Biz onunla uğur qazana bilərik. Bizim növbəti hədəfimiz “Chievo” ilə oyunda qələbə qazanmaqdı”.
Qeyd edək ki, “Neftçi” – “İnter” oyunu oktyabrın 4-də Bakıda, Tofiq Bəhramov adına Respublika stadionunda keçiriləcək və saat 21:00-da başlayacaq.
