27 sentyabr 2012 14:34
Eldar Mansurov: Neftçinin qrupda birinci yeri tutmasını istərdim, amma...
Azərbaycanın görkəmli bəstəkarı, məşhur tarzən azerisport.az saytına müsahibəsində “Neftçi”dən, eləcə də 17 yaşadək qızlar arasında Azərbayanda keçirilən dünya çempionatına həsr olunan mahnısından danışıb.
- Azərbaycanda keçirilən DÇ-2012-yə mahnı həsr etməmisiz?
- Belə mahnıları adətən sifariş edirlər. Amma mən bütövlükdə karyeram ərzində xeyli idman mahnıları yazmışam. Məsələn, Gimnastika, Otüstü Hokkey, Cüdo Federasiyalarının, “Azərreyl” voleybol klubunun, “Neftçi” və “Rəvan”ın himnlərini. Hətta İqor Ponomaryovla İsgəndər Cavadova həsr olunan mahnılarım da var. Milli Olimpiya Komitəsinin himnini də mən yazmışam. Sonuncu mahnım isə mundial üçün yazılıb.
- Bu mundiala həsr olunmuş və Aygün Kazımova tərəfindən ifa olunan mahnı da var...
- Təəssüf ki, məndə belə bir informasiya yoxdu. Eşitmədiyim mahnını isə dəyərləndirə bilmərəm. Mənə mahnı tapşırdılar, çalışdım ki, o, yaxşı olsun. Mən özüm də futbol azarkeşiyəm. Belə böyük turnir üçün mahnı yazmaq mənim üçün o qədər də çətin olmadı.
- Azərbaycan çempionatı üçün də mahnı yazmaq barədə düşünməmisiz?
- Şübhəsiz ki, düşünmüşəm. Qoy təklif olunsun. Mən futbolu sevirəm və ölkə çempionatı üçün mahnı yaza bilərəm. Topaz Premyer Liqasını populyarlaşdırmaq lazımdı. Bu mənada mahnı da mühüm rol oynaya bilər.
- Şübhəsiz ki, düşünmüşəm. Qoy təklif olunsun. Mən futbolu sevirəm və ölkə çempionatı üçün mahnı yaza bilərəm. Topaz Premyer Liqasını populyarlaşdırmaq lazımdı. Bu mənada mahnı da mühüm rol oynaya bilər.
- Maraqlıdı, çempionatda hansı komandaya azarkeşlik edirsiz?
- Mən uşaqlıqdan “Neftçi”nin azarkeşiyəm. Bu klubun hər bir uğuru məni çox sevindirir. Həmçinin “Barcelona”ya da azarkeşlik edirəm. Bu komanda son dövrlər çox möhtəşəm oyun sərgiləyir. Demək olar ki, bütün mümkün titulları qazanıblar. Onların hər oyunda səslənən himnlərini də eşitmişəm. Çox istərdim ki, Azərbaycan futbolunda da elə olsun.
- Mən uşaqlıqdan “Neftçi”nin azarkeşiyəm. Bu klubun hər bir uğuru məni çox sevindirir. Həmçinin “Barcelona”ya da azarkeşlik edirəm. Bu komanda son dövrlər çox möhtəşəm oyun sərgiləyir. Demək olar ki, bütün mümkün titulları qazanıblar. Onların hər oyunda səslənən himnlərini də eşitmişəm. Çox istərdim ki, Azərbaycan futbolunda da elə olsun.
- Bizim klubların da himnləri var, amma azarkeşlər arasında o qədər də populyar deyillər. Sizcə, buna səbəb nədi?
- “Barcelona”nın və ya Madrid “Real”ının himnləri çox gözəldi. Hər dəfə onlar qələbə qazandıqda, oyundan sonra bu himnlər azarkeşlər tərəfindən oxunur. Bizdə əsas səbəb futbolun səviyyəsinin aşağı olmasıdı. Futbolumuzun səviyyəsi düzəlsə, azarkeşlər də hər bir məqama, eləcə də klublarının himnlərinə xüsusi diqqət yetirəcəklər. İndi isə bəlkə də azarkeşlərimiz “Barcelona”nın himnini daha yaxşı bilirlər, nəinki öz klublarının.
- “Neftçi” azarkeşi kimi bu komandadan Avroliqada nə gözləyirsiz?
- Əlbəttə, “Neftçi”nin də pley-offa çıxmasını istəyirəm. Amma realist olmaq lazımdı. Qrupdakı rəqiblər çox güclüdülər. Milan “İnter” aşkar favoritdi. Kaza “Rubin”i kaprizli komandadı. Amma “Partizan”la görüş göstərdi ki, bu komanda ilə oynamaq olar. Komandamızın ilk iki yer üçün mübarizə aparacağını proqnozlaşdırmaq çətindi. Fikrimcə, “Neftçi” qrup mərhələsinə çıxmaqla artıq bütün azarkeşlərimizi sevindirməyi bacarıb. Bu, tarixi bir uğurdu. Qrupda da birinci yeri tutmağımızı çox istərdim. Amma təkrar edirəm ki, bunu etmək çox çətin olacaq.
- Əlbəttə, “Neftçi”nin də pley-offa çıxmasını istəyirəm. Amma realist olmaq lazımdı. Qrupdakı rəqiblər çox güclüdülər. Milan “İnter” aşkar favoritdi. Kaza “Rubin”i kaprizli komandadı. Amma “Partizan”la görüş göstərdi ki, bu komanda ilə oynamaq olar. Komandamızın ilk iki yer üçün mübarizə aparacağını proqnozlaşdırmaq çətindi. Fikrimcə, “Neftçi” qrup mərhələsinə çıxmaqla artıq bütün azarkeşlərimizi sevindirməyi bacarıb. Bu, tarixi bir uğurdu. Qrupda da birinci yeri tutmağımızı çox istərdim. Amma təkrar edirəm ki, bunu etmək çox çətin olacaq.
