28 sentyabr 2012 14:46
Massimo Moratti: O günlər artıq geridə qaldı
İtaliyanın “İnter” klubunun prezidenti Massimo Moratti yenidən rəhbərlik etdiyi komandanın maliyyə durumunun ağır vəziyyətdə olmasından danışıb. Azerisport.az xəbər verir ki, o, artıq bu çətinliklərdən çıxış yolu da fikirləşib:
“Klubun hazırkı durumu ilə əlaqədar daxili iclas keçirdik. Belə qərara gəldik ki, bu cür maliyyə problemlərindən yaxa qurtarmaq üçün aşağı yaş qruplarına önəm verən siyasətə keçək. Müəyyən istisnalar ola bilər. Amma klubumuzun maliyyə feyr-pleyinə uyğun büdcəyə sahib olması üçün siyasətimizdə dəyişikliklər etməyə məcburuq. Vaxtilə Kristian Vyeriyə ödədiyimiz kimi yüksək məbləğdə transferlər etməyəcəyik. O günlər artıq geridə qaldı. Daha çox aşağı yaş qruplarında yetişdirilən futbolçulara qucaq açmaq məcburiyyətindəyik”.
“Klubun hazırkı durumu ilə əlaqədar daxili iclas keçirdik. Belə qərara gəldik ki, bu cür maliyyə problemlərindən yaxa qurtarmaq üçün aşağı yaş qruplarına önəm verən siyasətə keçək. Müəyyən istisnalar ola bilər. Amma klubumuzun maliyyə feyr-pleyinə uyğun büdcəyə sahib olması üçün siyasətimizdə dəyişikliklər etməyə məcburuq. Vaxtilə Kristian Vyeriyə ödədiyimiz kimi yüksək məbləğdə transferlər etməyəcəyik. O günlər artıq geridə qaldı. Daha çox aşağı yaş qruplarında yetişdirilən futbolçulara qucaq açmaq məcburiyyətindəyik”.
Komandasının indiki heyətinə və qarşıdakı “Fiorentina” ilə oyuna da toxunan Moratti daha sonra bunları söyləyib: “Önəmli olan heyətdəki oyunçuların istəkli bir şəkildə mübarizə aparmasıdı. Həmişə uğur gətirən hansısa bir taktiki sxem yoxdu. Əlimizdəki oyunçulara uyğun düzülüşü seçməli və onları yaxşı motivasiya etməliyik. Mənə görə “Fiorentina” bu mövsüm çempionatın ən yaxşı futbol oynayan komandasıdı. “Juventus” qarşısında çox yaxşı oynadılar. Bizə də çətin anlar yaşadacaqlar. Amma biz də əlimizdən gələni edəcəyik”.
Qeyd edək ki, "İnter" Avropa Liqasında Azərbaycan çempionu "Neftçi" ilə eyni qrupda yer alır. Milan təmsilçisi oktyabrın 4-də Bakıda "ağ-qaralar"ın qonağı olacaq.
