30 sentyabr 2012 19:10
DÇ-2012-də 1/4 finalın bütün iştirakçıları bəlli oldu
Azərbaycanda keçirilən 17 yaşadək qızlar arasında futbol üzrə dünya çempionatı davam edir. Azerisport.az xəbər verir ki, oktyabrın 13-dək davam edəcək çempionatda bu gün qrup mərhələsinə yekun vuruldu.
Beləliklə, artıq mundialın 1/4 finalçılarının adları məlumdu. A qrupundan Nigeriya ilə Kanada, B qrupundan KXDR və Fransa, C qrupundan Yaponiya və Braziliya, D qrupundan isə Almaniya və Qana pley-offa vəsiqə qazanıb.
Meydan sahibi – Azərbaycan, eləcə də Kolumbiya, ABŞ, Qambiya, Meksika, Yeni Zelandiya, Çin və Uruqvay isə dünya çempionatı ilə elə qrup mərhələsindəcə vidalaşmalı olub.
Beləliklə, 1/4 finalda Nigeriya Fransa, KXDR Kanada, Yaponiya Qana, Almaniya isə Braziliya ilə qarşılaşacaq. Bu mərhələnin oyunları oktyabrın 4-5-də keçiriləcək.
