1 oktyabr 2012 18:23
Azərbaycanda parlayan yeni istedadları Çini ümidləndirir
FIFA U-17 qadınlararası dünya çempionatının qrup mərhələsinin ilk oyununda Uruqvayı böyük hesabla məğlub etdikdən sonra Çin XR çempionatdakı böyük ambisiyalarını bildirdi. İkinci oyunlarında Almaniya ilə 1-1 heçə-heçə etdikdən sonra çoxlarının proqnozlarına görə bu iki komandanın növbəti mərhələyə çıxacağı gözlənilirdi. Lakin bazar günü onlar turun son oyununda sürətli qanalılara məğlub oldular və beləliklə də 1/4 finala vəsiqəni əldən buraxdılar.
Qrupdan çıxa bilmədiklərinə hələ də inana bilməsələrdə, məşqçi Zang Çonqlay bu uğursuzluğa nikbin nöqteyi-nəzərdən baxmağa çalışır. Belə ki, o, gənc oyunçularını Azərbaycanda sərgilədikləri əzmkarlığa görə tərifləmiş və onların parlaq gələcəyinə inandığını bildirmişdir.
"Komandamda bəzi istedadlı oyunçular vardır və onlar bu turnirdə xeyli potensiallı olduqlarını və gələcəkdə uğurlu futbolçu karyerasına sahib ola biləcəklərini sübut ediblər," deyə Zanq Çonqlay qeyd edir. "Lu Yueyun, Miao Siven və Tanj Ciali xüsusilə istedalı oyunçulardır. Bu oyunçuların yaxşı texnikaları və xeyli bacarıqları var. Onların gələcəkdə çox irəlilərə gedəcəklərindən və tanınmış ulduz futbolçu olacaqlarından əminəm."
Turnirdə debüt edən "Polad Rozalar" turun ilk oyununda Uruqvayı 4-0 hesabı ilə məğlub etməklə onlara bəslənilən ümidləri doğrultmağa başladılar. Bu nəticədən sonra bir çoxları onların son illərdə gənc qadın futbolunda meydan oxuyan asiyalı qonşuları kimi güclü olduğunu qeyd edirdilər.
Almaniya ilə növbəti oyunda da onlar yaxşı təəssürat yaratdılar və son dəqiqədə bərabərlik qolunu buraxmasaydılar iki oyundan maksimum qələbə əldə edəcəkdilər. Bununla belə, Çin XR qrupda ilk sırada qaldı. Son səkkizliyə vəsiqəni təmin etmək üçün onlara bazar günü Qanaya qarşı keçirəcəkləri oyundan yalnız mühüm bir xal lazım idi və bu da onlar üçün çox da çətin görünmürdü.
Lakin asiyalıların bəxtsizliyindən, onlar afrikalıların 2-0 hesab ilə qalib gəldiyi oyunda hər iki qolu vuran təhlükəli Ceyn Ayieyam tərəfindən yaradılmış Qananın sürətli əks hücumlarının qarşısını almaqda aciz qaldılar və bu hesab da onların turniri tərk etmələrinə səbəb oldu.
"Qananın ilk qolu müdafiəçilərimizin buraxdığı səhvdən sonra vuruldu", deyə Zanq kədərlə qeyd edir. "Biz bütün Çin komandasını narahat edən problemin qurbanı olduq. Biz qrupda çox əlverişli vəziyyətdə idik, lakin bununla belə bir az da səy göstərib qrupdan növbəti mərhələyə çıxa bilmədik".
Asiya qitəsinin yeni ən güclü komandası adını qazanmaq cəhdlərinin boşa çıxmasına baxmayaraq, çinlilər Azərbaycan 2012-dən məmnun qala bilərlər. Çinin qapıçısı Cianq Tinqtinqin qeyd etdiyi kimi bu nəsil futbolçulardan hələ daha çox oyunçular üzə çıxacaq: "Çin futbolu hələ də başlanğıc mərhələsindədir."
