1 oktyabr 2012 00:06
FİFA: Azərbaycan millisinin gələcəyi etibarlı əllərdədi
Bəzi məğlubiyyətlər qələbə kimi hiss edilir. Azerisport.az xəbər verir ki, şənbə günü Azərbaycanın Kanadaya 0:1 hesablı məğlubiyyəti buna yaxşı misal ola bilər.
A qrupundakı son oyun başa çatdıqda oyunun qalibləri yox, ev sahibləri, CONCACAF ölkələri üzrə təsnifat turnirində ikinci yerə sahib olmuş və hazırda son səkkizliyə vəsiqə qazanmış Kanadalılardan bir qol buraxdıqları üçün sevincdən əllərini göyə qaldıran tərəf idilər.
"Bizim bu oyundakı məqsədimiz ən azı bir qol vurub, oyunda məğlub olmamaq idi, bununla belə, bu məğlubiyyəti mən qələbə kimi qiymətləndirərdim," deyə Azərbaycanlı qapıçı Aytac Şərifova oyunun ardından FIFA.com saytına verdiyi müsahibəsində bildirmişdir. "Biz bacardığımız qədər ölkəmizi bu turnirdə təmsil etdik".
Qapıçı şübhəsiz ki, bu oyunda yaxşı oyun nümayiş etdirdi və oyundan sonrakı mətbuat konfransında Kanadanın baş məşqçisi Briyan Rozenfeldən təriflər aldı: "Bizim bu oyunda daha böyük hesablı qələbə qazana bilməməyimizin səbəbi əsasən bütün oyun boyunca inanılmaz qurtarışları ilə yadda qalan qapıçının gözəl oyunu ilə bağlıdır".
"Mən, sadəcə olaraq məşq proseslərindən çoxlu şeylər oyrəndiyimi nümayiş etdirmək istəyirdim," deyə qapıda yerinə yetirdiyi şıçrayışları və qətiyyəti ilə kanadalılara çətin anlar yaşadan Şərifova qeyd edir. O, yalnız bir dəfə Valeriya Sandersonun 48-ci dəqiqədə vurduğu zərbəni dəf edə bilməmişdi.
"Bu gün hər şey yaxşı davam etdi, lakin meydanda komandanın yaxşı oyun nümayiş etdirməsinin səbəbi yalnız mən deyiləm. Mənim komanda yoldaşlarım da fantastik oyun sərgilədilər və hətta oyun ərzində bir neçə dəfə mənim səhvlərimi sığortaladılar".
Azərbaycanın almaniyalı məşqçisi Sisi Rayt komandasının əzmkar oyunundan razı qalmış və onları tərifləmişdir. "Keçirdiyimiz oyun möhtəşəm alındı. Mən bu gün meydanda ehtiraslı, həvəslə oynayan komanda gördüm və onlar meydanda hər qarış yer uğrunda mübarizə aparırdılar. Bu da iki məğlubiyyətdən sonra yaxşı bərpa olunmuş komandamın xarakterinin gücünü göstərir".
Bununla belə, Rayt qarşıda görüləcək hələ çox işlərin olduğundan xəbərdardır. Belə ki, Azərbaycan, FIFA U-17 qadınlararası dünya çempionatını qolsuz tərk edən və keçirdiyi hər üç oyunda məğlub olmuş ilk komandadır.
"Bizim bu iki ildə bu qədər zəhmətimizin ardından bu üç məğlubiyyətə görə təbii ki, məyusam" deyə o, qeyd edir.
Sonra müsbət tərəfləri xatırladaraq, baş məşqçi əlavə edir: "Mən əsas diqqətimi komandanın etik davranışına və qrup daxilindəki konsepsiyaya cəmləşdirmişəm və bu turnir bizim üçün böyük təcrübə oldu. Biz bu turnirə səylə hazırlaşmışdıq, lakin mən qarşıda görülməli hələ daha çox işlərin olduğundan yaxşı xəbərdaram. Bununla belə, biz artıq bu işlərin özülünü qoymuşuq və indi bu səylərimizi davam etdirməliyik".
Görüləsi işlərin bir hissəsi kimi, almaniyalı məşqçi Azərbaycan dilini də öyrənir: "Mən artıq, nuş olsun, "nəcəsən", səhər, yaxşı, sürətli və s. kimi sözlərin mənasını bilirəm".
Onun oyunçular da sürətlə inkişaf edirlər, belə ki, şənbə günündəki oyunda Şərifova bunu öz oyunu ilə sübüt etdi. İki oyunda qapısından 15 qol buraxmış komandanın və BTİ klubunun 15 yaşlı oyunçusu kanadalılarla oyunda yaxşı oyun üslubu nümayiş etdirdi. Onun arzularından biri kumiri olduğu kolumbiyalı qapıçı Fərid Mondraqon kimi uğurlu futbolçu karyerasına sahib olmaqdı.
"Mən uğurlarımı davam etdirəcəm və mən bacardığım qədər irəli getmək istəyirəm," deyə o, qeyd edir. "Mən indi Azərbaycanda U-17 qadın komandasının mövcud olmasından və bu komandanın qapıçısı olmağımla fəxr edirəm".
(FİFA)
