1 oktyabr 2012 00:34
FİFA Lənkərandan imtina etdi
FIFA U-17 qadınlararası dünya çempionatının 1/4 final mərhələsi çərçivəsində oktyabrın 5-də, Lənkəran şəhər mərkəzi stadionunda keçirilməsi nəzərdə tutulmuş qarşılaşmanın yeri dəyişdirilib. Azerisport.az xəbər verir ki, bu barədə AFFA-nın rəsmi saytı məlumat yayıb.
Qeyd edək ki, bu, Almaniya və Braziliya yığmaları arasında keçirilməli olan görüşdü. Sözügedən qarşılaşma Bakıda, 8-ci km stadionunda keçiriləcək.
Qeyd olunmuş oyuna bilet əldə etmiş azarkeşlər FIFA U-17 qadınlararası dünya çempionatının Yerli Təşkilat Komitəsinə müraciət edə bilər.
Beləcə, Lənkəran mundiala ev sahibliyini başa vurmuş olub. Xatırladaq ki, buna qədər Lənkəranda üç görüş baş tutmuşdu.
