2 oktyabr 2012 14:18
Rail Məlikov: Milliyə dəvət gözləyirdim
Futbol üzrə Azərbaycan yığmasının və Türkiyənin “Denizlispor” klubunun müdafiəçisi Rail Məlikov azerisport.az saytına müsahibəsində ötən gün baş tutan “Göztepe ilə oyunlarından (1:0), eləcə də yığmamızdan danışıb. O, öncə bunları dilə gətirib:
“Göztepe” “Denizlispor”un ən prinsipial rəqiblərindən biri hesab olunur. Bu komandaların qarşıdurmasını Egey derbisi adlandırırlar. Çətin oyun oldu. Rəqib komanda da kifayət qədər iddialıdı. Amma bu mövsümə o qədər də uğurlu başlamayıblar. Buna görə də bizimlə oyuna dönüş matçı kimi baxırdılar. Birinci hissədə daha çətin oldu. Çünki leysan yağırdı və bu cür havada oynamaq əlavə problem yaradırdı. Qol vurmaq üçün çoxlu imkanlar var idi. Amma yeganə qolu matçın sonlarında vura bildik və layiqli qələbə qazandıq”.
“Göztepe” “Denizlispor”un ən prinsipial rəqiblərindən biri hesab olunur. Bu komandaların qarşıdurmasını Egey derbisi adlandırırlar. Çətin oyun oldu. Rəqib komanda da kifayət qədər iddialıdı. Amma bu mövsümə o qədər də uğurlu başlamayıblar. Buna görə də bizimlə oyuna dönüş matçı kimi baxırdılar. Birinci hissədə daha çətin oldu. Çünki leysan yağırdı və bu cür havada oynamaq əlavə problem yaradırdı. Qol vurmaq üçün çoxlu imkanlar var idi. Amma yeganə qolu matçın sonlarında vura bildik və layiqli qələbə qazandıq”.
Məlikov hazırda beşinci pillədə qərarlaşan komandasının Super Liqaya yüksəlmək gücündə olduğunu düşünür: “Əgər ötən oyunda da qələbə qazana bilsəydik, indi lider idik. Amma yenə ruhdan düşmürük və mübarizəmizi davam etdiririk. Öz oyunuma gəlincə, pis oynamadığımı düşünürəm. Hər halda oyundan sonra öncə azarkeşlər, daha sonra isə klub rəhbərliyi mənə təşəkkürünü bildirdi”.
Rail Məlikov yığmamızın Rusiya ilə DÇ-2014-ün seçmə mərhələ oyunu öncəsi toplanışına dəvət olunmamasına da münasibətini açıqlayıb: “Dəvət gözləyirdim. Yəqin ki, çağırılmamağımın nəsə səbəbi var. İstənilən halda Berti Foqtsun qərarına hörmətlə yanaşıram. İnanıram ki, o, yenə məni diqqət mərkəzində saxlayacaq. Ümid edirəm ki, növbəti oyunlarda yenə milliyə çağırılacağam. Komandamıza uğurlar arzulayıram. Moskvada yığmamıza çətin olacaq. Amma futbolçularımız yaxşı nəticə ilə dönəcək gücdədilər”.
Rail həmçinin keçmiş komandası “Neftçi”yə də Avropa Liqasının qrup mərhələsi çərçivəsində İtaliya “İnter”inə qarşı keçirəcəyi oyunda uğurlar arzulayıb: “Məncə, “Neftçi” “İnter”dən xal alacaq gücdədi. Böyükağa Hacıyev italyanları necə məğlub etmək lazım olduğunu yaxşı bilir. Komanda uğurlu çıxışını davam etdirməlidi”.
