2 oktyabr 2012 17:01
Tuyqun Nadirov: Hakim Elnur Allahverdiyevi təxribata çəkib
“Xəzər Lənkəran”ın vitse-prezidenti Tuyqun Nadirov Topaz Premyer Liqasının 7-ci turunun “Turan”la oyununda baş verənlərə münasibətini açıqlayıb. Azerisport.az saytına müsahibəsində o, öncə bunları dilə gətirib:
“Bu oyunda hakimlik faciəvi idi. Komandamız onsuz da pis çıxış edir. Bu azmış kimi, hakimlər də vəziyyətimizi çətinləşdirir. Hakimin bu oyundakı qərarları ancaq komandamızı sındırmağa hesablanmışdı. Oyunun əvvəlində Rəhim Həsənovun göstərdiyi qədər vərəqə vermirlər. Bu, psixoloji cəhətdən vəziyyəti daha da gərginləşdirdi. Biz oyundan sonra da Ruslan Abışovun meydandan qovulması ilə bağlı narazılığımızı yazmışdıq. AFFA İntizam Komitəsi də bizim bu fikirlərimizlə razılaşdı və sübut etdilər ki, hakimin qərarı yanlışdı. Lakin ən pisi odu ki, hakimin məhz bu qərarı nəticəyə ciddi təsir göstərdi”.
“Bu oyunda hakimlik faciəvi idi. Komandamız onsuz da pis çıxış edir. Bu azmış kimi, hakimlər də vəziyyətimizi çətinləşdirir. Hakimin bu oyundakı qərarları ancaq komandamızı sındırmağa hesablanmışdı. Oyunun əvvəlində Rəhim Həsənovun göstərdiyi qədər vərəqə vermirlər. Bu, psixoloji cəhətdən vəziyyəti daha da gərginləşdirdi. Biz oyundan sonra da Ruslan Abışovun meydandan qovulması ilə bağlı narazılığımızı yazmışdıq. AFFA İntizam Komitəsi də bizim bu fikirlərimizlə razılaşdı və sübut etdilər ki, hakimin qərarı yanlışdı. Lakin ən pisi odu ki, hakimin məhz bu qərarı nəticəyə ciddi təsir göstərdi”.
Klub rəsmisinin sözlərinə görə, hakim öz qərarları ilə lənkəranlı futbolçuları təxribata çəkib: “Biz Elnur Allahverdiyevə haqq qazandırmırıq. Amma o, Ruslan Abışov meydandan qovulmasaydı, belə hərəkət etməzdi. Elnur yığmanın üzvüdü. Beynəlxalq arenada müəyyən təcrübəsi var. Ona görə də özünü necə aparmaq lazım olduğunu yaxşı bilir. Onu sadəcə özündən çıxardılar”.
“Xəzər Lənkəran”ın vitse-prezidenti onu da bildirib ki, Allahverdiyevlə bağlı çıxarılan qərarlar əlaqədar apelyasiya şikayəti verəcəklər: “Hesab edirik ki, altı oyun həddən artıq ağır cəzadı. Klub da öz tərəfindən futbolçunu cəzalandırıb. Hansı şəkildə olduğunu deməyəcəm, amma o, ciddi cəzalandırılıb”.
Nadirov bütün bunlara rəğmən, komandasının “Turan”a məğlubiyyətinə haqq qazandırmır: “Hətta iki oyunçumuzun meydandan qovulmasına rəğmən, komanda “Turan”ı məğlub etməyə borclu idi. Sonuncu pillə qətiyyən komandamıza yaraşmır”.
