2 oktyabr 2012 00:49
AFFA FİFA-dan güclü oldu
Azərbaycanda keçirilən futbol üzrə 17 yaşadək qızlar arasında dünya çempionatında hazırda fasilə yaranıb. Azerisport.az xəbər verir ki, qrup mərhələsi başa çatdıqdan sonra mübarizəni davam etdirən iştirakçı komandalar bir neçə günlük istirahət etmək imkanı qazanıblar.
Bu, eyni zamanda yarışın təşkilatçılarına da bir qədər dincəlmək fürsəti qazandırıb. Amma onlar bu boş vaxtlarını öz aralarında futbol oynamaqla keçirməyə qərar veriblər. Belə ki, ötən gün “Şəfa” stadionunda AFFA və FİFA-nın işçiləri arasında qarşlaşma keçirilib. Görüş AFFA nümayəndələrinin qələbəsi ilə başa çatıb – 3:2.
