3 oktyabr 2012 18:26
“Azərbaycan klubu İberia ilə eyni gücdədi”
Futzal üzrə Sloveniyanın “Litija” klubunun oyunçusu Qasper Vrhoveç UEFA Kubokunda onlarla eyni qrupda yer alan İspaniyanın “Barcelona”, Xorvatiyanın MNK, eləcə də Azərbaycanın “Araz” klubunu dəyərləndirib. Azerisport.az xəbər verir ki, o, bunları dilə gətirib:
“Turnirə hazırlıqlarımızı adi qaydada davam etdiririk. Eyni zamanda rəqiblərimizi də öyrənməyə çalışırıq. İlk rəqibimiz olan Azərbaycan klubu Gürcüstanın “İberia” komandası ilə eyni səviyyədədi. Hansı ki, biz gürcülərlə əvvəlki mərhələdə qarşılaşmışdıq. “MNK Split” isə bizimlə eyni gücdədi. “Barcelona”ya gəlincə, bu komandanın nəyə qadir olduğunu bilirik. Onlarla oynamaq çox çətin olacaq. Bizim geniş ehtiyat oyunçular skamyamız var. Ona görə də bu baxımdan ciddi çətinliyimizin olacağını düşünmürəm. Oyunlarımız zamanı azarkeşlərin arenanına dolduracağına da inanıram. Özü də təkcə “Barcelona” ilə görüşdə yox, həm də “Araz” və “MNK Split”lə qarşılaşmalarda da. Komandamız bu turnirdə uğurlu çıxış etməyə borcludu. Maksimum xal toplayıb, Sloveniya futzalının reytinqini qaldırmaq istəyirik”.
