5 oktyabr 2012 14:14
Ağasəlim Mircavadov: Neftçinin İnterə qarşı sadəcə gücü çatmadı
Futbol üzrə Azərbaycan yığmasının sabiq çalışdırıcısı Ağasəlim Mircavadov “Neftçi”nin Avropa Liqasının qrup mərhələsi çərçivəsində İtaliya “İnter”inə qarşı keçirdiyi oyunu şərh edib. Azerisport.az saytına müsahibəsində o, bunları dilə gətirib:
“Komanda bütövlükdə pis oynamadı. Baxmayaraq ki, çoxlu səhvlər var idi. Məhz bu üzdən komanda üç qol buraxdı. Mən başa düşə bilmədim ki, Nikolas Kanales hücumçudu, yarımmüdafiəçidi, yoxsa müdafiəçi? “Neftçi”nin sol cinahla bağlı problemləri ikinci oyundu ki, özünü belə qabarıq şəkildə göstərir. Düzdü, “Partizan” həmin problemlərdən yararlana bilməmişdi. Amma italyanlar bundan yaxşı istifadə etdilər. “Neftçi”nin bu rəqibə qarşı mübarizə aparmağa gücü çatmadı. Həm də səviyyə fərqi sözünü dedi. Hücumlarımız o qədər də keyfiyyətli deyildi. Kombinasiya yox idi. Cərimə meydançasına adi asmalar edilirdi ki, bu da heç bir müsbət fayda vermirdi. Amma “Neftçi” sona qədər mübarizəni davam etdirdi və bunu etiraf etmək lazımdı. Belə oyunlarda komandanın səviyyəsi də qalxır”.
“Komanda bütövlükdə pis oynamadı. Baxmayaraq ki, çoxlu səhvlər var idi. Məhz bu üzdən komanda üç qol buraxdı. Mən başa düşə bilmədim ki, Nikolas Kanales hücumçudu, yarımmüdafiəçidi, yoxsa müdafiəçi? “Neftçi”nin sol cinahla bağlı problemləri ikinci oyundu ki, özünü belə qabarıq şəkildə göstərir. Düzdü, “Partizan” həmin problemlərdən yararlana bilməmişdi. Amma italyanlar bundan yaxşı istifadə etdilər. “Neftçi”nin bu rəqibə qarşı mübarizə aparmağa gücü çatmadı. Həm də səviyyə fərqi sözünü dedi. Hücumlarımız o qədər də keyfiyyətli deyildi. Kombinasiya yox idi. Cərimə meydançasına adi asmalar edilirdi ki, bu da heç bir müsbət fayda vermirdi. Amma “Neftçi” sona qədər mübarizəni davam etdirdi və bunu etiraf etmək lazımdı. Belə oyunlarda komandanın səviyyəsi də qalxır”.
