8 oktyabr 2012 01:16
Cavid Hüseynov derbidə oynamadı, ilk qələbə sevincini yaşadı (YENİLƏNİB)
Futbol üzrə Azərbaycan yığmasının yarımmüdafiəçisi Cavid Hüseynovun çıxış etdiyi “Adana Demirspor” klubu Türkiyə PTT birinci liqasında növbəti matçına çıxıb. Azerisport.az xəbər verir ki, Adana təmsilçisi ölkə çempionatının 6-cı turu çərçivəsində “Adanaspor” ilə görüşüb.
Qeyd edək ki, bu qarşılaşma Adana derbisi olaraq maraqla gözlənilirdi. Hansı ki, Cavid üçün də bu, ilk derbi olacaqdı. Gözlənildiyi kimi, derbi kifayət qədər maraqlı və qollu alınıb. Qol duelini sonda məhz həmyerlimizin komandası qazanıb. Hansı ki, bu, "Adana Demirspor"un ilk qələbəsi olub.
Əvvəlki oyunlarda start heyətdə meydana çıxsa da, son matçda ehtiyatda qalan Cavidin bu dəfə hansı aqibəti yaşayacağı maraq doğururdu. Özü də bu görüşdə adanalılar yeni baş məşqçi Mustafa Uğur ilə debüt edirdilər. Təəssüf ki, yeni baş məşqçisi də millimizin üzvünü sona qədər ehtiyatda saxlayıb.
“Adana Demirspor” hazırda 5 xalla 18 komanda arasında 15-ci yerdədi.
Türkiyə PTT birinci liqası
6-cı tur
7 oktyabr
Adana Demirspor - Adanaspor - 4:2
