6 oktyabr 2012 12:17
“Almaniya vətəndaşı olsam da, Azərbaycan pasportu ala bilərəm”
22 yaşlı Qazaxıstan əsilli almaniyalı futbolçu Dmitri Nazarovun Azərbaycan yığmasının baş məşqçisi Berti Foqtsun maraq dairəsində olduğunu xəbər vermişdik. Azerisport.az xəbər verir ki, gənc hücumçu müsahibəsində yığmamıza mümkün gəlişindən danışıb.
- Mən həqiqətən də Qazaxıstanda anadan olmuşam. Orda atamın qohumları yaşayır. Amma cəmi bir yaşım olanda valideynlərimlə birgə Almaniyaya köçmüşük. Əlbəttə, mən harda doğulduğumu bilirəm, Qazaxıstanla maraqlanıram. Hətta bu ölkənin yığma komandasının çıxışından da xəbərdaram. Hətta heyətdə Henrix Şmidtqal və Konstantin Engel kimi alman futbolçuların çıxış etməsini də bilirəm. Amma Qazaxıstandan mənə bununla bağlı heç bir müraciət olunmayıb. Ona görə də doğma vətənimin yığmasındakı perspektivimlə bağlı nəsə demək mənə çətindi.
- Amma Azərbaycan yığmasından belə bir təklif aldığın bildirilir...
- Bəli. Bir ay öncə Berti Foqts öz assistenti Olaf Yansen vasitəsilə mənimlə əlaqə saxladı. Onlar mənim Azərbaycan yığmasında oynamağa necə baxdığımı soruşdular. Daha sonra Berti Foqtsun özü ilə də bir neçə dəfə şəxsən telefonla danışdım. O, məni hələ sentyabrdakı toplanışlara dəvət etmək istəyirdi. Amma o vaxt mənim klubumla vacib oyunlarım var idi. Sonra qərara gəldik ki, bu, Rusiya ilə oyun öncəsi toplanışa təsadüf etsin. İstisna deyil ki, tezliklə bu ölkənin yığmasından dəvət alım. Onda son qərarımı verəcəm. Mənim hələlik yalnız alman pasportum var. Amma keçmiş SSRİ-də anadan olmuş biri kimi yəqin ki, Azərbaycan və ya Qazaxıstan pasportu ala bilərəm.
- Bəs əgər hər iki ölkədən dəvət alsan, hansını qəbul edərdin?
- Dediyim kimi, hələ Qazaxıstandan mənimlə heç kim əlaqə saxlamayıb. Ona görə də bu barədə düşünmək tezdi. Əlbəttə, hər futbolçu öz millisində çıxış etməyi arzulayır. Amma mən hazırda öz klubumun oyunlarına köklənmişəm. Çempionatda fasilə yarananda, bu barədə düşünmək olar.
- Dediyim kimi, hələ Qazaxıstandan mənimlə heç kim əlaqə saxlamayıb. Ona görə də bu barədə düşünmək tezdi. Əlbəttə, hər futbolçu öz millisində çıxış etməyi arzulayır. Amma mən hazırda öz klubumun oyunlarına köklənmişəm. Çempionatda fasilə yarananda, bu barədə düşünmək olar.
- “Eintracht”dan “Preussen”ə keçidinizə görə təəssüflənmirsiz?
- Mənə Frankfurtda qalmaq təklif olundu. Amma orda əsas komanda ilə məşq etsəm də, ikinci komandada oynamalı olurdum. Mən isə dedim ki, daim oynamaq istəyirəm. Buna görə də klubumu dəyişməyə qərar verdim. Burda hər oyunda meydana çıxıram. Uğurlu çıxış edirik, kubokda mərhələ adladıq, çempionatda liderik. Ona görə də hər şeydən razıyam. Mən bu kollektivlə inkişaf edə biləcəyəm.
- Mənə Frankfurtda qalmaq təklif olundu. Amma orda əsas komanda ilə məşq etsəm də, ikinci komandada oynamalı olurdum. Mən isə dedim ki, daim oynamaq istəyirəm. Buna görə də klubumu dəyişməyə qərar verdim. Burda hər oyunda meydana çıxıram. Uğurlu çıxış edirik, kubokda mərhələ adladıq, çempionatda liderik. Ona görə də hər şeydən razıyam. Mən bu kollektivlə inkişaf edə biləcəyəm.
