7 oktyabr 2012 13:25
Çesnauski: Azərbaycanlı futbolçular litvalılardan fərqli olaraq, ölkə kənarında oynamaq istəmirlər
“Azərbaycanda keçirdiyim bu illər ərzində həm yaxşı, həm də pis şeylər yaşamışam. Amma şərtlər getdikcə yaxşılaşır. Qızlar arasında çempionatla əlaqədar burda yeni stadionlar inşa olundu. Hər il bura çoxlu əcnəbilər gəlir. Fikrimcə, yeni mövsümdə burdakı şərait daha da yaxşılaşacaq. Azərbaycanda futbola çoxlu pullar yatırılır və bu, ölkə futbolunun səviyyəsini qaldırmaq üçün çox önəmlidi. Axı yaxşı stadionlar tikmək, yaxşı legionerlər gətirmək bunsuz mümkün deyil. Qızlar arasındakı dünya çempionatının keçirilməsi bu ölkə üçün ən mühüm hadisələrdən biridi. Bu, böyük üstünlükdü. Lakin Litva futbolu ilə müqayisədə burdakı gənc futbolçuların mentaliteti başqa cürdü. Litvalılar yaxşı futbolçu olmaq üçün Avropanın müxtəlif ölkələrində oynamağa hazırdılar. Azərbaycanlılar isə ölkə xaricinə getmək istəmirlər. Onlar yerli klublarda çıxış etməyə üstünlük verirlər. Digər tərəfdən burda yaxşı pul olduğu üçün, futbolçular ölkəni tərk etməkdə maraqlı olmurlar”.
