8 oktyabr 2012 14:25
“Bu, bizə baha başa gələ bilər”
Futzal üzrə Azərbaycan yığmasının və “Araz”ın oyunçusu Rizvan Fərzəliyev UEFA Kubokunda komandasının rəqibləri olan İspaniya “Barcelona”sı, Sloveniya “Litija”sı, eləcə də Xorvatiyanın “MNK Split” klublarını dəyərləndirib. Azerisport.az saytına müsahibəsində o, öncə bunları dilə gətirib:
“UEFA Kubokunun birinci mərhələsinin oyunlarından sonra bizim hazırlıq üçün kifayət qədər vaxtımız oldu. Demək olar ki, Maşado Nilson da tam hazırdı. O, tədricən əvvəlki formasını bərpa edir. Bizim üçün bu yaxşı hazırlıq dövrü çox önəmli idi. Çünki qarşımızda maksimum hədəflər var. Qrup birincisi olub, dördlər finalına çıxmaq istəyirik. Baxmayaraq ki, qrupumuzda “Barcelona” kimi nəhəng komanda var. Eyni zamanda digər rəqibləri də siyahıdan silmək olmaz. Bu, bizə baha başa gələ bilər”.
“UEFA Kubokunun birinci mərhələsinin oyunlarından sonra bizim hazırlıq üçün kifayət qədər vaxtımız oldu. Demək olar ki, Maşado Nilson da tam hazırdı. O, tədricən əvvəlki formasını bərpa edir. Bizim üçün bu yaxşı hazırlıq dövrü çox önəmli idi. Çünki qarşımızda maksimum hədəflər var. Qrup birincisi olub, dördlər finalına çıxmaq istəyirik. Baxmayaraq ki, qrupumuzda “Barcelona” kimi nəhəng komanda var. Eyni zamanda digər rəqibləri də siyahıdan silmək olmaz. Bu, bizə baha başa gələ bilər”.
Hər şeyə rəğmən, “Araz”ın təcrübəli futzalçısı Avropanın ən güclü klubunu məğub edəcək gücdə olduqlarını düşünür: “Ötən mövsüm də biz bu komanda ilə üz-üzə gəlmişdik və heç-heçə oynamışdıq. Oyun baxımından biz onlara uduzmadıq. Amma ustalıq səviyyəsi rəqibdə daha üstün idi. Geridə qalan müddətdə heyətimiz güclənib. Eyni zamanda “Barcelona” da güclənib. Hər halda onlar da titullarını qorumaq istəyindədilər”.
Fərzəliyev ilk oyundan çox şey asılı olduğunu düşünür: “Çünki “Litija” qrupumuzun oyunlarına ev sahibliyi edir. Ona görə də bizə bu görüşdə çox çətin olacaq. Azarkeş amili onların lehinə olacaq. Həm bu, həm də hakim simpatiyası bizim üçün əlavə problemlər yarada bilər. Onların oyununu izləmişəm. Dişimizə görə rəqib olduqlarını deyə bilərəm. İstənilən halda qələbə qazanmağa borcluyuq”.
“Araz”ın lideri Xorvatiya təmsilçisindən də danışıb: “MNK Split”i də dəyərləndirməmək olmaz. Ən azı ona görə də elit raunda zəif komanda gəlib çıxa bilməzdi. Onlar hətta “Barcelona” və “Araz”ı qabaqlayıb qrup birincisi də ola bilərlər. Heç kim “Barcelona”ya və və ya “Araz”a qrup birincisi olacağına dair zəmanət verə bilməz”.
