9 oktyabr 2012 11:15
Saşa Stamenkoviç: 30 minlik stadionda oynadıqdan sonra 300 azarkeşin qarşısına çıxmaq çox çətindi
Azərbaycan çempionu “Neftçi”nin qapıçısı Saşa Stamenkoviç Topaz Premyer Liqasının 8-ci turunun “Turan”la oyunundan (2:1) sonra azerisport.az saytının suallarını cavablandırıb.
- Oyun haqda nə deyə bilərsiz?
- Bu görüşdə bizə sadəcə 3 xal qazanmaq lazım idi. Buna da nail olduq. İndiki məqamda oyun keyfiyyəti bizim üçün o qədər də vacib deyil.
- Bu görüşdə bizə sadəcə 3 xal qazanmaq lazım idi. Buna da nail olduq. İndiki məqamda oyun keyfiyyəti bizim üçün o qədər də vacib deyil.
- Amma məhz oyun keyfiyyəti baxımından ciddi problemlərin olduğu diqqət çəkirdi...
- Razıyam. İtaliya “İnter”i ilə çətin oyundan sonra bizə bu görüşdə qələbə qazanmaq vacib əhəmiyyət daşıyırdı. Fikrimcə, “Neftçi” “Turan”ı yalnız ustalıq səviyyəsinə görə məğlub edə bildi.
- Son dəqiqələrdə buraxdığınız qola ciddi etiraz edirdiniz...
- Mən topu qapı xətti üzərində tutmuşdum. Topun qapıya daxil olmasından heç bir söhbət gedə bilməzdi. Hakim səhvə yol verdi. O, bunu videotəkrara baxanda başa düşəcək. Amma mən hakimləri günahlandırmaq da istəmirəm. Onlar da futbolçular kimi səhvə yol verə bilərlər.
- Bu qələbə sayəsində “Neftçi” turnir cədvəlində xeyli irəliləməyə də nail oldu...
- İndi heç turnir cədvəlinə baxmaq da istəmirəm. Biz hamıdan az oyun keçirmişik. Təxirə salınan oyunlarımızı da keçirəndən sonra, turnir cədvəlinə nəzər salmaq olar. Oyun sayını bərabərləşdirəndən sonra hamısından da olmasa, Premyer Liqanın əksər iştirakçılarına yuxarıdan aşağı baxacağımıza əminəm.
- Yeri gəlmişkən, Avropa Liqasında İtaliya “İnter”i ilə oyundan sonra “Turan”la görüşə köklənmək çətin deyildi ki?
- Düzünü deyim ki, asan olmadı. 30 minlik stadionda oynadıqdan sonra 300 azarkeşin qarşısına çıxmaq çox çətindi. Çox böyük fərq vardı. Motivasiya olmaq asan deyildi. Amma biz özümüzdə güc tapdıq, qələbə qazandıq. Hər halda bütün bunlara hazır olmaq məcburiyyətindəyik.
- Düzünü deyim ki, asan olmadı. 30 minlik stadionda oynadıqdan sonra 300 azarkeşin qarşısına çıxmaq çox çətindi. Çox böyük fərq vardı. Motivasiya olmaq asan deyildi. Amma biz özümüzdə güc tapdıq, qələbə qazandıq. Hər halda bütün bunlara hazır olmaq məcburiyyətindəyik.
- Çempionat oyununa da Avroliqadakı formayla çıxmışdınız. Bu, nə ilə bağlı idi?
- Bu formaları niyə geyindiyimizi bilmirəm. Hansısa formanın uğur gətirməsinə o qədər də inanmıram. Uğur qazanmaq üçün ilk növbədə yaxşı futbol sərgiləmək lazımdı.
- Bu formaları niyə geyindiyimizi bilmirəm. Hansısa formanın uğur gətirməsinə o qədər də inanmıram. Uğur qazanmaq üçün ilk növbədə yaxşı futbol sərgiləmək lazımdı.
