10 oktyabr 2012 14:07
Ağasəlim Mircavadov da Ruslan Abışovı seçdi
Futbol üzrə Azərbaycan yığmasının sabiq baş məşqçisi Ağasəlim Mircavadov ötən mövsümün ən yaxşı futbolçusunun kim olmasına dair fikirlərini açıqlayıb. Azerisport.az saytına müsahibəsində o, bunları dilə gətirib:
“Mən Ruslan Abışovu seçərdim. O, həm ölkə çempionatında, həm yığmada özünü yaxşı tərəfdən göstərə bildi. Ruslan “Neftçi”nin çempionluğunda da xüsusi rol oynadı. Düzdü, Bahodir Nasimov bombardir oldu. Amma Ruslan iki mövqedə - həm dayaq müdafiəçisi, həm də dayaq yarımmüdafiəçisi mövqeyində uğurla çıxış etdi. Flavinyo ilə Nasimov da özünü yaxşı tərəfdən göstərdi. Mən seçimimi heç də Abışovun yerli futbolçu olmasına görə etmirəm. Sadəcə, o, digərləri ilə müqayisədə faydalı iş əmsalına görə üstün idi”.
