10 oktyabr 2012 16:26
Premyer Liqa klubu özünə yeni sponsor tapdı, başı dərdə girdi
İngiltərənin “Newcastle” klubunun yeni sponsorla müqavilə bağlaması böyük qalmaqala səbəb olub. Azerisport.az xəbər verir ki, Premyer Liqa təmsilçisi “Wonga” kredit kontoru ilə əməkdaşlıq müqavilə imzalayıb.
Lakin bu, komandanın azarkeşləri tərəfindən böyük narazılıqla qarşılanıb. Məsələ burasındadı ki, “Wonga” əhaliyə qısa müddətli, amma yükək faizli kreditlər verir. Təbii ki, “Newcastle” azarkeşləri arasında da bu kompaniyanın “qurbanları” var və onların da təşəbbüsü ilə sözügedən əməkdaşlığa qarşı çıxanları sayı gündən-günə artır.
Bu, rəhbərliyin təkcə azarkeşlərlə yox, eyni zamanda bəzi futbolçularla da problemlərinin yaranmasına səbəb ola bilər. Məsələ burasındadı ki, “Newcastle” klubunda bəzi müsəlman futbolçular da çıxış edirlər. İslam dünyasında da kredit, faizə pul vermək digər bu kimi məqamların necə qarşılandığı hamıya məlumdu. Bu üzdən Demba Ba, Papis Sisse, Şeyx Tiote və Hatem Ben-Arfanın “Wonga”nın loqotipi altındakı formaları geyməkdən imtina edəcəyi gözlənilir.
Qeyd edək ki, “Newcastle” ilə “Wonga” arasındakı sponsorluq müqaviləsi indi bağlanılsa da, bu əməkdaşlığa 2013/14 mövsümündən start veriləcək.
Qeyd edək ki, “Newcastle” ilə “Wonga” arasındakı sponsorluq müqaviləsi indi bağlanılsa da, bu əməkdaşlığa 2013/14 mövsümündən start veriləcək.
