11 oktyabr 2012 11:45
DÇ-2012-nin bağlanış mətbuat konfransı keçiriləcək
FIFA və Yerli Təşkilat Komitəsi mətbuat nümayəndələrini FIFA U-17 qadınlararası dünya çempionatı Azərbaycan 2012-nin bağlanış mətbuat konfransına dəvət edir. Azerisport.az xəbər verir ki, mətbuat konfransı FIFA U-17 qadınlararası dünya çempionatının Təşkilat Komitəsinin yığıncağının ardınca nəzərdə tutulub.
Tədbirin keçirilmə vaxtı 12 oktyabrda, saat 12:00 üçün nəzərdə tutulub. Konfrans Bakı şəhəri, Four Seasons hotelinin 1-ci mərtəbəsindəki “Rast” zalında baş tutacaq.
Qeyd edək ki, konfransda FIFA U-17 qadınlararası dünya çempionatı Təşkilat Komitəsinin üzvü Anastasiya Tsiklas, FIFA qadın yarışlarının rəhbəri Tatyana Haenni, YTK-nın stadion, infrastruktur və IT direktoru Elnur Məmmədov iştirak edəcək.
Bağlanış mətbuat konfransının ardınca finalda və 3-cü yer uğrunda oynayacaq komandaların baş məşqçilərinin mətbuat konfransı olacaq. Hər iki mətbuat konfransı bütün KİV nümayəndələri üçün açıqdı.
