11 oktyabr 2012 00:24
Abışov: Bu mükafatı Xəzər Lənkəranın heyətində də qazanmağa çalışacağam
2011/2012-ci il mövsümünün ən yaxşı müdafiəçisi adına hazırda “Xəzər Lənkəran”da çıxış edən, ötən mövsüm isə “Neftçi”nin heyətində çempion olmuş yığmamızın üzvü Ruslan Abışov layiq görülüb. Azerisport.az xəbər verir ki, ona mükafatı Ağasəlim Mircavadov təqdim edib.
Ötən gün həm də ad gününü qeyd edən Ruslan Abışov çıxışında ona səs verənlərə təşəkkür edib:
“Mən sizin etimadınızı doğrultmağa çalışacağam. “Neftçi”dəki çıxışıma görə bu mükafata layiq görüldüm. “Xəzər Lənkəran”ın heyətində də uğurlu çıxış edib bu mükafatı qazanmağa çalışacağam”.
