12 oktyabr 2012 16:45
Azərbaycan kubokunun yeni mövsümünün püşkü atıldı (YENİLƏNİB)
Bu gün futbol üzrə Azərbaycan kubokunun 2012/2013-cü il mövsümünün püşkatma mərasimi keçirilib. Azerisport.az xəbər verir ki, tədbir AFFA-nın inzibati binasında təşkil olunub.
Qeyd edək ki, 2012/2013-cü il mövsümündə Azərbaycan kuboku uğrunda yarışda 21 komanda iştirak edəcək. Bunlardan 12-si Topaz Premyer Liqasını, qalan 9-u isə birinci divizionu təmsil edir: “Neftçi”, “Xəzər Lənkəran”, “İnter”, “Qarabağ”, “Bakı”, “Qəbələ”, AZAL, “Rəvan”, “Kəpəz”, “Simurq”, “Turan”, “Sumqayıt”, “Qaradağ Lökbatan”, “Neftçala”, “Bakılı”, “Lokomotiv”, “Tərəqqi”, “Şuşa”, MOİK, “Ağsu”, “Qala”.
Püşkün nəticəsinə əsasən, 1/16 finalda Premyer Liqadan yalnız 1 klub iştirak edəcək ki, bu da “Kəpəz”di. Qalan Premyer Liqa təmsilçiləri mübarizəyə 1/8 finaldan qoşulacaqlar. Son çempion “Neftçi” “Tərəqqi” – “Ağsu” cütünün qalibini, “Xəzər Lənkəran” Premyer Liqada uduzduğu “Turan”ı sınağa çəkəcək. Premyer Liqanın sürpriz liderləri – AZAL və “Simurq” kubokda münasibətlərinə aydınlıq gətirəcəklər.
Əsasnaməyə uyğun olaraq Azərbaycan kubokunun 1/4 finalınadək komandalar qalibi bir oyunda müəyyən edəcək. 1/4 final mərhələsinindən başlayaraq isə cütün qalibi ev və səfər oyunlarında alınmış nəticələrə görə müəyyən ediləcək.
Azəraycan kuboku
1/16 final
24 oktyabr
Tərəqqi – Ağsu
MOİK – Bakılı
Şuşa – Neftçala
Qaradağ – Lokomotiv
Qala – Kəpəz
1/ 8 final
28 noyabr
AZAL – Simurq
Tərəqqi/Ağsu – Neftçi
Qəbələ – Qaradağ/Lokomotiv
Qala/Kəpəz – Qarabağ
Bakı – Sumqayıt
MOİK/Bakılı – İnter
Rəvan – Şuşa/Neftçala
Turan – Xəzər Lənkəran
