“Azərbaycanla oyunda bizə ancaq qələbə lazımdı”

Futbol üzrə Rusiya yığmasının yarımmüdafiəçisi Dmitri Kombarov DÇ-2014-ün seçmə mərhələsi çərçivəsində Azərbaycan millisinə qarşı keçirəcəkləri oyun öncəsi fikirlərini açıqlayıb. Azerisport.az xəbər verir ki, o, bunları dilə gətirib:

“Çətin oyun olacaq. Biz Portuqaliyaya qarşı var gücümüzü qoyduğumuz oyun zamanı azərbaycanlılar istirahət edirdilər. Rəqibimiz müdafiədən oynamalı olacaq. Ona görə də bizə asan olmayacaq. Lakin hamı başa düşür ki, bizə yalnız qələbə lazımdı. Portuqaliya ilə oyundan sonra Azərbaycanla görüşə köklənmək çətindimi? Şəxsən mənim üçün yox. Son məşqimizi erkən saatlarda həyata keçirdik. Fikrimcə, bu, oyunçulara bərpa olmaq üçün daha çox vaxt qazandırmaq məqsədi daşıyırdı”.