Kazbek Tuayev: Rusiya ilə oyunda 3 xal da lazım deyil, 1 xal götürək, bəsimizdi

Təcrübəli futbol mütəxəssisi Kazbek Tuayev Azərbaycan millisinin DÇ-2014-ün seçmə mərhələsi çərçivəsində Rusiyaya qarşı keçiriləcək oyunu ilə bağlı fikirlərini açıqlayıb. Azerisport.az saytına müsahibəsində o, bunları dilə gətirib:

 

“Düzdü, rusiyalı mütəxəssislər çox arxayın açıqlamalar verirlər. Amma məncə, bunda təəccüblü heç nə yoxdu. Fikrimcə, Portuqaliyanı məğlub yola salan komanda bizim komandamıza yuxarıdan aşağı baxa bilər. Lakin qoy Portuqaliyanı necə məğlub etdiklərini də unutmasınlar. Bütün oyunu müdafiədə keçirdilər. Biz bunların heç birinə diqqət verməməliyik. Öz oyunumuzu sərgiləməliyik. Heç bizə üç xal lazım deyil, bir xal götürək, bəsimizdi. Azərbaycan ruslara asanlıqla təslim olmayacaq. Təcrübə də göstərir ki, biz müdafiə olunmağı bacarırıq. Əgər əks-hücumları da yaxşı şəkildə həyata keçirə bilsək, onda komandamızın ifasında yaxşı oyun izləyə bilərik. Nəticə qazana bilməsək də belə, inamlı oyun izləmək istərdim”.