15 oktyabr 2012 15:27
Fabio Kapello: Azərbaycan ilə oyunun taleyini ilk dəqiqələrdən həll etməliyik
Futbol üzrə Rusiya yığmasının baş məşqçisi Fabio Kapello DÇ-2014-ün seçmə mərhələsi çərçivəsində Azərbaycana qarşı keçiriləcək oyun öncəsi mətbuat konfransı keçirib. Azerisport.az xəbər verir ki, o, öncə bunları dilə gətirib:
“Mənə elə gəlir ki, siz sabah baş tutacaq oyunun asan keçəcəyini düşünürsüz. Amma mən belə hesab etmirəm. Azərbaycan özünə hörmət tələb edən komandadı. Onlar İsraillə heç-heçə oynadılar. Amma qələbə də qazana bilərdilər. Portuqaliya ilə görüşdə də uzun müddət duruş gətirdilər. Həmin oyunda sadəcə son dəqiqələrdə buraxılan qollarla məğlub oldular. Bizimlə oyuna da tam hazır gəlirlər. Çünki biz Portuqaliya ilə oynayanda onlar məşq edib, hazırlaşırdılar. Bu üzdən biz ilk dəqiqələrdən görüşün taleyini həll etməyə çalışmalıyıq. Düşünməməliyik ki, gec-tez qol vuracağıq”.
“Mənə elə gəlir ki, siz sabah baş tutacaq oyunun asan keçəcəyini düşünürsüz. Amma mən belə hesab etmirəm. Azərbaycan özünə hörmət tələb edən komandadı. Onlar İsraillə heç-heçə oynadılar. Amma qələbə də qazana bilərdilər. Portuqaliya ilə görüşdə də uzun müddət duruş gətirdilər. Həmin oyunda sadəcə son dəqiqələrdə buraxılan qollarla məğlub oldular. Bizimlə oyuna da tam hazır gəlirlər. Çünki biz Portuqaliya ilə oynayanda onlar məşq edib, hazırlaşırdılar. Bu üzdən biz ilk dəqiqələrdən görüşün taleyini həll etməyə çalışmalıyıq. Düşünməməliyik ki, gec-tez qol vuracağıq”.
İtaliyalı mütəxəssis Berti Foqtsla da bağlı danışıb: “Mən Foqtsu şəxsən tanıyıram. Ona qarşı hətta yığma komandalar çərçivəsində oynamışam da. Azərbaycan yığması Foqtsun rəhbərliyi altında çox intizamlı oyun sərgiləyir. Hücum xəttində isə fərdi cəhətdən güclü, kifayət qədər təhlükəli futbolçulara güvənirlər”.
“Əgər Azərbaycan yığması bütün qüvvə ilə müdafiə olunsa, biz də tam gücümüzlə hücum etməliyik. Əksinə, onlar xoşbəxtliyi bizim qapımızda axtarsalar, onda müdafiə olunmalıyıq. Bir sözlə futbolda hər zaman vəziyyətə görə hərəkət etməli olursan”.
