15 oktyabr 2012 16:09
Şmeyhel: Azərbaycan Rusiya ilə oyunda qalib gəlsə...
İngiltərənin "Manchester United" futbol klubunun əfsanəvi qapıçısı, bu komandanın heyətində 1999-cu ildə Çempionlar Liqasının qalibi olan, Danimarka millisinin heyətində 1992-ci ildə Avropa çempionu olmuş Peter Şmeyhel hazırda Bakıdadı. Azerisport.az xəbər verir ki, o, işgüzar səfər zamanı Azərbaycan futbolu ilə də bağlı fikirlərini açıqlayıb.
Danimarkalı ulduz qapıçı öncə “Neftçi”nin Avropa Liqasındakı tarixi uğurundan danışıb: “Neftçi"nin Avropa Liqasındakı uğuru Azərbaycan futbolu üçün çox böyük nailiyyətdi. Bu komandanın hazırda Avropa Liqasındakı oyunları barədə məlumatlıyam. Hesab edirəm ki, bu uğur Azərbaycan futbolunu irəli aparır"
O, Azərbaycan milli komandası barədə də danışıb. "Azərbaycan yığması DÇ 2014-ün seçmə mərhələsi çərçivəsində çıxış etdiyi F qrupunda artıq bir xal toplamağı bacarıb. Azərbaycan sabah Rusiya ilə görüşdə qalib gəlsə, bu, çox maraqlı nəticə olar və seçmə qrupda olan mübarizəni daha da gərginləşdirə bilər".
