15 oktyabr 2012 00:11
Yığmamız Moskvada ilk məşqə Rəşad Sadıqovsuz çıxdı
Futbol üzrə Azərbaycan yığması DÇ-2014-ün seçmə mərhələsi çərçivəsində qarşılaşacağı Rusiya ilə oyun öncəsi Moskvada ilk məşqə çıxıb. Azerisport.az xəbər verir ki, komandamızın qonşu ölkədəki ilk hazırlığı bir itki ilə baş tutub.
Belə ki, bir neçə gün öncə məhz millinin düşərgəsində zədələnən kapitan Rəşad Sadıqov Rusiya paytaxtında məşqə çıxmayıb. Baş məşqçi Berti Foqts təcrübəli futbolunu oteldə saxlayıb və komanda ilə məşqə də aparmayıb.
Komandamızın məşqini 20-yə yaxın rusiyalı jurnalist də izləyib. Onların maraq göstərdiyi futbolçular isə vaxtilə bu ölkədə çıxış etmiş Vaqif Cavadovla Mahir Şükürov olub.
Qeyd edək ki, Rusiya – Azərbaycan oyunu oktyabrın 16-da Moskvadakı “Lujniki” stadionunda keçiriləcək və Bakı vaxtı ilə saat 20:00-da başlayacaq.
