16 oktyabr 2012 00:46
Azarkeşlər yığmamızdan Rusiya ilə oyunda uğur gözləmir?
Azerisport.az daha bir sorğusuna yekun vurub. “Sizcə, Azərbaycan yığmasının DÇ-2014-ün seçmə mərhələsi çərçivəsindəki Rusiya ilə səfər matçında hansı nəticə qeydə alınacaq” sualı ilə müraciət ediyimiz oxucularımızın yekun rəyi bəllidi.
Futbolsevərlər bu görüşdə yığmamıza o qədər də güvənmirlər. Belə ki, əksəriyyət yığmamızın böyük hesabla uduzacağını düşünür. Bu varianta respondentlərin 31 faizi (242 səs) üstünlük verib. Sorğuya qatılanların 21 faizi (163 səs) isə yığmamızın minimal hesabla uduzacağı qənaətindədi.
Respondentlərin 18 faizi (141 səs) yığmamız minimal hesabla qazanacağına ümidlidi. Qollu heç-heçəyə isə 14 faiz (110 səs) inanır.
