16 oktyabr 2012 12:53
“Azərbaycan yığmasının Rusiya ilə oyundakı şanslarını real qiymətləndirmək lazımdı”
19 yaşadək futbolçulardan ibarət Azərbaycan yığmasının baş məşqçisi Vəli Qasımov əsas millimizin DÇ-2014-ün seçmə mərhələsi çərçivəsində Rusiyaya qarşı keçiriləcək oyunu ilə bağlı fikirlərini açıqlayıb. Azerisport.az saytına müsahibəsində o, bunları dilə gətirib:
“Biz hamımız istəyirik ki, komandamız bu görüşdə yaxşı oynasın. İnanıram ki, futbolçularımız həmişəki kimi, rəqibə layiqli müqavimət göstərəcəklər. Əlbəttə, biz də istərdik ki, komandamız hər oyunda qələbələri ilə bizi sevindirsin. Amma bu, mümkünsüzdü. Hazırda Rusiya yığması millimizlə müqayisədə çox güclüdü. Fabio Kapellonun komandası dünya çempionatına birbaşa vəsiqə qazanmaq üçün mübarizə aparır. Ona görə də Azərbaycan yığmasının şanslarını real qiymətləndirmək lazımdı. Yəqin ki, ruslar bizə yuxarıdan aşağı baxacaqlar. Belə oyunlarda bəxt amili də az rol oynamır. Amma əsas odu ki, yaxşı futbol sərgiləyə bilək. Onda nəticə də əldə edə bilərik”.
