17 oktyabr 2012 12:59
Ağasəlim Mircavadov: Rusiya ilə oyunda Neftçinin futbolçularına ehtiyac var idi
Təcrübəli mütəxəssis Ağasəlim Mircavadov futbol üzrə Azərbaycan yığmasının DÇ-2014-ün seçmə mərhələsi çərçivəsindəki Rusiyaya qarşı oyununu şərh edib. Azerisport.az xəbər verir ki, o, 0:1 hesabıyla başa çatan görüşlə bağlı bunları dilə gətirib:
“Mən deməzdim ki, biz o qədər də pis oynadıq. Rəqib xüsusi olaraq nəsə yaratmadı. Braqada daha çətin anlar yaşamışdıq. Bu dəfə komandamız hətta ilk 15 dəqiqədə oyunu hücumda keçirdi. Amma sonra oyunumuzu itirdik. Komandamızın fədakarlığı xoşuma gəldi. Düzdü, səhvlər var idi. Lakin bunlar o qədər də faciəvi səhvlər deyildi. Uşaqlar başa düşməli idilər ki, cərimə meydançasında “podkat” etmək lazım deyil. Axı bu, birinci dəfə deyil. Bu oyunda millinin heyətində topla oynaya bilən orta sahə oyunçusuna ehtiyac var idi. Çünki hücumçuları normal ötürmələrlə təmin edən yox idi. Düzdü, topsuz çox yaxşı hərəkət edirdik. Amma futbolda topla oynamaq, qol vurmaq da var. Bu görüşdə “Neftçi”nin futbolçularından Rəşad Sadiqov, Cavid İmamverdiyev və Mirhüseyn Seyidovun iştirakı bizə problem yaratmazdı. Çünki onlar topla oynamağı bacarırlar”.
