17 oktyabr 2012 02:11
“Azərbaycan yığması ilə oyun Portuqaliya ilə görüşdən daha çətin keçdi”
Futbol üzrə Rusiya yığmasının hücumçusu Aleksandr Kokorin DÇ-2014-ün seçmə mərhələsi çərçivəsində Azərbaycana qarşı keçirdikləri oyunu şərh edib. Azerisport.az xəbər verir ki, o, 1:0 hesabıyla başa çatan görüşdən sonra bunları dilə gətirib:
“Azərbaycanın bir dənə də qol epizodu olmadı. Çünki bütün komanda arxada oturmuşdu. Belə komandaya qarşı oynamaq çox çətindi. Bizim yaratdığımız qol epizodlarını dəyərləndirə bilməməyimizə gəlincə, burda həm bəxt, həm də ustalıq səviyyəsinin çatışmaması sözünü dedi. Mən deyərdim ki, Azərbaycanla oyun Portuqaliya ilə görüşdən daha çətin keçdi. Çünki əvvəlki oyunda biz daha çox müdafiə olunurduq. Bu dəfə isə rəqibimiz müdafiə olunurdu və biz, qol vurmaq üçün bütün gücümüzü meydanda qoymalı olduq. Azarkeşlərin bu oyunda stadionu doldurmamasını normal hal saymıram. Təbii ki, Portuqaliya ilə görüşdə olduğu kimi, anşlaq olmasını görmək daha xoş olardı. Başa düşürəm ki, hamı Azərbaycanla oyunda hamı beş qol vurmağımızı istəyirdi. Lakin əsas qələbə qazanmaq, zirvədə qalmaq idi ki, buna da nail olduq”.
