17 oktyabr 2012 12:34
Ermənilər Rusiya ilə matçda Azərbaycan bayrağını yandırdılar
Futbol üzrə Rusiya və Azərbaycan yığmaları arasında keçirilmiş DÇ-2014-ün seçmə mərhələ oyunu zamanı erməni azarkeşlər təxribata əl atıblar. Azerisport.az xəbər verir ki, bu barədə Rusiya mətbuatı məlumat yayıb.
Məlumatda bildirilir ki, ermənilər oyun zamanı Azərbaycan bayrağını yandırıblar. Bunu gazeta.ru saytının əməkdaşına “Lujniki” stadionundakı oyunu izləyən yığmamızın azarkeşləri deyiblər. Hadisə matçın birinci hissəsi zamanı D sektorunda baş verib. Həmkarımızın “Nəyə görə qərara aldınız ki, bunlar məhz ermənilər olublar?” sualına fanatların cavabı belə olub: “Çünki onlar özləri ilə Ermənistan bayrağı da gətirmişdilər”. Aralarında “Anji” forması geymiş dağıstanlıların da olduğu, komandamızı dəstəkləməyə gələn azarkeşlər ermənilərə söyüşlə reaksiya veriblər.
