20 oktyabr 2012 19:23
Bakı rəsmiləri penaltiyə görə hakimlə mübahisə etdilər
Bu gün futbol üzrə Azərbaycan Topaz Premyer Liqasında keçirilən “Qarabağ” – “Bakı” oyunundan sonra qalmaqal yaranıb. Azerisport.az xəbər verir ki, oyunu idarə edən hakimlərlə “Bakı”nın rəsmiləri arasında mübahisə düşüb.
Buna qonaq komandanın nümayəndələrinin Əliyar Ağayevin təyin etdiyi penalti qərarının yanlış olmasını iddia etməsi səbəb olub. Ədalət təmsilçiləri öz qərarlarının doğruluğunu, “zolaqlılar” isə bunun əksini sübut etməyə çalışıblar.
Qeyd edək ki, 1:1 hesabıyla başa çatan görüşdə hesabı qonaqlar açıblar. Görüşün sonlarında ağdamlılar məhz penalti zərbəsini dəqiq yerinə yetirməklə, hesabı bərabərləşdiriblər.
